«Ներեցեք, հայ լինելը հանցա՞նք է». Թուղրուլ Թուրքեշը՝ Էրդողանին

Թուրքիայի Ազգայնական շարժում կուսակցության հիմնադիր Ալփասլան Թուրքեշի որդին` Թուղրուլ Թուրքեշը, որը հանդիսանում է կուսակցության փոխնախագահն ու թուրքական մեջլիսի՝ Անկարայից ընտրված պատգամավորը, անդրադարձել է նախագահի թեկնածու, վարչապետ Թայիփ Էրդողանի` հայկական ինքնության վերաբերյալ վիրավորական արտահայտությանը: Թուրքեշը ԱՇ կուսակցության պաշտոնական կայքում «Ներեցեք, հայ լինելը հանցա՞նք է» վերնագրով մի հրապարակում է հեղինակել:
«Պարոն Էրդողան, մենք տեղյակ ենք 21-րդ դարի մասին: Հայ լինելը հանցանք, թերություն, տգեղություն, ամոթ կամ մեղք չէ: Այն էթնիկական և մշակութային խմբերը, որոնք մենք ունենք, Բարձրյալի շնորհն է մեզ, և դրանց ամոթանք տալն ու ստորացնելը ամենամեծ մեղքն է: Ավելին, նման խոսքերը, համաձայն մեր օրենքների, ատելության հանցանք են համարվում»,-գրել է Թուրքեշը:
Վերջինիս համոզմամբ` Էրդողանն այդպիսով արտահայտել է իր ներսում կուտակված և խեղդված զգացմունքները:
Ankakh.com