Ավարտվել է Աղթամարի եկեղեցու վերանորոգումը

Վանա լճի Աղթամար կղզու Սուրբ խաչ եկեղեցին կրկին բացվել է այցելուների առաջ: Թուրքական «Զաման» թերթը տեղեկացնում է, որ Թուրքիայի մշակույթի և զբոսաշրջության նախարարությունը 2012 թվականից սկսել էր եկեղեցու և նրան կից տարածքի բարեկարգումը՝ նպատակ ունենալով բավարարել այցելուների հիմնական պահանջները: Վերանորոգման ծախսերը հոգացել է Մշակույթի և զբոսաշրջության նախարարության մշակութային հարստության և թանգարանների գլխավոր վարչությունը:
Նորոգվել և բարեկարգվել են այցելուների դիմավորման վայրը, տոմսարկղը, ճանապարհները, նորացվել է անվտանգության համակարգը:

http://ermenihaber.am/?lang_id=2&news_=4&cur_news=1821