Վանում նախընտրական լարվածություն է տիրում

Թուրքիայի նախագահի թեկնածու Թայիփ Էրդողանի` Վան քաղաքում անցկացրած նախընտրական քարոզարշավի շրջանակներում ելույթից հետո հավաքված հանրության և ոստիկանների միջև բախումներ են տեղի ունեցել: Ոստիկանները ցուցարարների նկատմամբ արցունքաբեր գազ և պլաստիկ փամփուշտներ են կիրառել` փորձելով ցրել հավաքվածներին:
Քաղաքում լարվածություն է նկատվել նաև մինչև Էրդողանի ժամանումը: Նախագահի մյուս թեկնածու Ժողովուրդների դեմոկրատական կուսակցության նախագահ Սելահաթթին Դեմիրթաշի նախընտրական գրասենյակի առաջ հավաքված մոտ 600-700 հոգանոց խումբը սկսել է տարբեր արտահայտություններ բացականչել: Այնուհետև նրանց շրջապատել են ոստիկանները, որից հետո բախումներ են սկսվել:
Ankakh.com