Էրդողանը չի ցանկանում բացահայտել Հրանտ Դինքի սպանությունը, ինչո՞ւ. գրում է Ջեմալ Փաշայի թոռը

Ջեմալ Փաշայի թոռը` Հասան Ջեմալը, ով թուրքական T24 կայքում աչքի է ընկնում իր հակաէրդողանական հոդվածներով, Հրանտ Դինքի սպանության մասին նոր հոդված է հրապարակել: «Էրդողանը պետության հետ փոխզիջման է գնում, պաշտպանում է իր աշխատակազմին» վերնագրով հոդվածը ներկայացնում ենք ստորև.
Նախ ընդգծենք Հրանտ Դինքի փաստաբան Ֆեթհիյե Չեթինի այս 4 նախադասությունները:
1. Էրդողանը Հրանտ Դինքի սպանության գործում պաշտպանում է իր աշխատակազմին:
2. Էրդողանը համաձայնության է եկել պետության հետ:
3. Այս պատճառով, կողմ չէ պետական սպանություն համարվող Դինքի սպանության բացահայտմանը:
4. Որովհետև սա անհանգստություն կպատճառի Էրդողանի դաշնակիցներին:
Ֆեթհիյե Չեթինի խոսքը` սիրելի Հրանտ Դինքը մեզանից հեռացավ 2007 թվականի հունվար ամսին, սակայն այսքան տարի է անցել և մենք դեռ խավարի մեջ ենք: Սպանության կազմակերպիչների արմատները դեռ չեն բացահայտվել: Իսկական ոճրագործները շարունակում են մնալ պետական միջանցնքներում` խցերում թաքնված: Ինչո՞ւ: Որովհետև քաղաքական ուժը չի ցանկանում բացահայտել Հրանտ Դինքի իսկական ոճրագործներին… Ո՞վ չի ցանկանում: Ոչ այլ ոք, եթե ոչ` վարչապետ Էրդողանը: Դինքի ընտանիքի փաստաբան Ֆեթհիյե Չեթինն արդեն իսկ բացահայտել է իրավիճակը: Երեկ Ութքու Չաքըրօզերը Cumhuriyet-ի իր հոդվածում գրել է` Գլխավոր շտաբի նախկին պետ Իլքեր Բաշբուղը «ընդդիմության քննարկումների» վերաբերյալ ասել էր` «Եթե բացահայտվի Հրանտ Դինքի սպանության գործը, այս կառույցը կգաղտնազերծվի»: Այս խոսքերի մասին Տիգրանակերտից վերադարձի ճանապարհին հիշեցրել էին վարչապետին, ով ասել էր` «Նման դեպքերը Դինքի դատավարության մակարդակի իջեցնելը նվաստացում կլինի: Իմ կարծիքով` Դինքի դատը ամբողջովին անձնավորված է: Դինքի սպանությունն իրագործվել է նրա հոդվածների և մտածելակերպի հանդեպ անհանդուրժողության և նմանատիպ պատճառներով»: Ահա այս խոսքերը ետքայլ են: Քանի որ մի ժամանակ այս սպանությանը Էրդողանը նայել է «խորը պետության հետ» հաշվետվության նստելու պատուհանից: Իսկ ինչ վերաբերում է ներկայիս հայտարարությանը` այն ամբողջությամբ հակասում է նախորդին: «Էրդողանին սպանել ցանկացողները 3 երիտասարդնե՞ր էին»: Էրդողանի այս անգամվա 80 աստիճան փոփոխությունը, բնականաբար, Դինքի ընտանիքի մոտ դժգոհություն է առաջացնում: Ընտանիքի փաստաբան Ֆեթհիյե Չեթինը մեկ անգամ ևս տեղի ունեցած հիասթափության մասին ամփոփ ներկայացնում է Թուրքիայի հանրապետության Անկարայի ներկայացուցիչ Չաքըրօզերին` պետք է հարց տալ Էրդողանին`ով այս մահափորձի մասին ասել էր` «թույլ չենք տալու, որ «Սարը գելին»-ը (խմբ.` շիկահեր հարս, աղջիկ) կորչի Անկարայի միջանցքներում»: Իսկ մահափորձից անմիջապես հետո նա զանգահարել էր Դինքի ընտանիքին և ասել` «ես նույնպես թիրախ եմ: Այս սպանությունն իրագործողները ինձ նույնպես ցանկանում են սպանել»: Ուրեմն, հարց ենք ուղղում` Էրդողանին սպանել ցանկացող 3 երիտասարդները նույնպես «անձնական թշնամանք տածողնե՞րն էին»: Անկարայի միջանցքներ ասելով ի՞նչ ի նկատի ուներ: Ի՞նչ կային այդ միջանցքներում: Որո՞նք են Արդարություն և զարգացում կուսակցության պաշտպանած անունները: Ֆեթհիյե Չեթինն այսպես է մեկնաբանում Էրդողանի կեցվածքի փոփոխությունը` Մուամմեր Գյուլեր, Ջելահաթթին Ջերրահ, Ռեաթ Ալթայ, Էնգին Դինչ և նման անձիք պաշտպանվում են Արդարություն և զարգացում կուսակցության կողմից: Երբ մտածում եմ, թե վարչապետն ինչպե՞ս այս օրվան հասավ, մտքիս 3 բացատրության տարբերակ է գալիս: Առաջինը` Էրդողանն իր հակառակորդներին ինչ-որ կերպ ձերբակալելով ծնկի բերեց: Այդ իսկ պատճառով այլևս կողմնակից չէ Դինքի սպանությունը որպես քաղաքական գործիք օգտագործելու: Էրգենեքոնի (խմբ.` Թուրքիայում գործող ծայրահեղ ազգայնականների կազմակերպություն, որի անդամներից են Թուրքիայի զինված ուժերի և անվտանգության ծառայությունների որոշ բարձրաստիճան ղեկավարներ, ովքեր մեղադրվում են Թուրքիայում պետական հեղաշրջում կազմակերպելու փորձի մեջ) հետաքննությունն սկսելու համար Դինքի սպանությունը օգտագործեց որպես միջոց: Ըստ երևույթին` նա այլևս դրա կարիքը չունի: Երկրորդ` եթե Դինքի սպանության պատասխանատվությունը գցենք միայն մեկ խմբի վրա, այդ խումբը կարող է բարձրաձայնել մնացածների պատասխանատվությունների մասին: Դրա պատճառով վարչապետը որոշեց կանգ առնել, քանի որ կռվի ընթացքում եթե մի տեղ կանգ չառներ, կարող էր նաև հերթը իրեն հասնել: Վարչապետը միաժամանակ պաշտպանում է իր աշխատակազմին: Միայն ընդդիմադիրների խո՞ւմբն է պատասխանատու այս գործով: Արդարություն և զարգացում կուսակցության պաշտպանած կազմակերպություններն ու անհատները, Մուամմեր Գյուլերը, Էրդողանի կուսակցության պատգամավորը, և այլք: Երրորդ, գուցե և ամենակարևորը` Էրդողանն ու կառավարությունը համաձայնության են եկել պետության հետ: Այդ իսկ պատճառով, կողմ չէ պետական սպանություն համարվող Դինքի սպանության բացահայտմանը, որովհետև սա անհանգստություն կպատճառի Էրդողանի դաշնակիցներին: Նրանց չանհանգստացնելու համար էլ գուցե փոխել է իր կեցվածքը: Էրդողանը Դինքի սպանության պատճառը հնարավորինս փորձում է ներկայացնել որպես անձնավորված թշնամանք: Արդեն դատավարության հենց սկզբից էլ փորձում էր ուշադրությունը մի տեղ կենտրոնացնել, ասելով` «մի քանի երիտասարդ համախմբվել և իրագործել են»: Սիրելի Ֆեթհիյե Չեթին, ահա եկավ այն պահը: Էրդողանը պետականացավ: Էրդողանը վաղուց Անկարայից դարձավ: Ահա այս է պատճառը, որ Էրդողանը այլևս նա չէ, ով ասում էր` «թույլ չենք տալու, որ «Սարը գելին»-ը կորչի Անկարայի միջանցքներում»: Քանի որ նա պետություն դարձավ: Քանի որ նրա նպատակը միակ մարդը լինելն է… Չնայած բոլոր բացասական դեպքերին` լինելով սիրելի Հրանտի ընկերները` նշեք` «թույլ չենք տալու, որ «Սարը գելին»-ը կորչի Անկարայի միջանցքներում»: Չեմ կասկածում` ջուրը մի օր դարձյալ իր ճեղքն է գտնելու: Դու հանգիստ քնիր, սիրելի եղբայրս՝ Հրանտ:
Նշենք, որ Հրանտ Դինքի ամենասիրելի երգը եղել է «Սարը գելին»-ը, և նկատի ունենալով Հրանտ Դինքին, Էրդողանն ասել էր` «թույլ չենք տալու, որ «Սարը գելին»-ը կորչի Անկարայի միջանցքներում»…
Թարգմանությունը` Արազ Գայմագամյանի
http://www.yerkir.am/am/news/71163.htm