Դինքին սպանել է նրա աշխարհայացքը. Էրդողան

Թուրքիայի վարչապետ և նախագահի թեկնածու Ռեջեփ Թայիփ Էրդողանը նախընտրական ծրագրի շրջանակում մեկնել էր Դիարբեքիր: Դիարբեքիրից վերադարձի ճանապարհին նա պատասխանել է լրագրողների հարցերին՝ անդրադառնալով ընտրություններին, Գյուլենական համայնքին և Դինքի դատավարությանը: Ստորև թարգմանաբար և կրճատումներով ներկայացված է թուրքական T24 կայքում տեղ գտած նրա հարցազրույցը:
– Օգոստոսի 10-ին ի՞նչ արդյունք եք ակնկալում:
– «Հետևելով սոցհարցումներին՝ 54-56% ձայն ենք ակնկալում: Ընդհանուր առմամբ, ձայների աճ է գրանցվում: Օրինակ, Ստամբուլում մեր ձայներն ավելացել է 3%-ով և հասել 54%-ի: Ստամբուլում գրանցված աճը ցույց է տալիս այն միտումը, որն ընդհանրական է ողջ Թուրքիայի համար»:
– Դիրաբեքիրում հանարահավաքի ժամանակ Փենսիլվանիայի հասցեին [նկատի ունի Ֆեթուլլահ Գյուլենին-ՍիվիլՆեթ] խիստ հայտարարություն արեցիք: Ինչպե՞ս է ընթանում նրանց դեմ օպերացիան: Որևէ պարզաբանում կտա՞ք: Բացի այդ, Թուրքիայի զինված ուժերի գլխավոր շտաբի նախկին պետ Իլքեր Բաշբուղը զինվորականների դատավարության ժամանակ հայտարարեց, թե ձեզ ինչ-որ բան է ասել:
Նա ասաց. «Այսօր [գյուլենականները – ՍիվիլՆեթ] մեզ կձերբակալեն, վաղը՝ ձեզ»: Այժմ մենք առաջ ենք քաշում զուգահեռ կառույցի հարցը, պետք է տեսնել, որ նրանք գոյություն ունեն: Վերջին իրադարձությունները վկայում են, որ Իլքեր փաշայի այդ հայտարարությունը իմաստալից էր: «Այսօր մեզ, վաղը՝ ձեզ»:
– Գլխավոր շտաբի նախկին պետ Իլքեր Բաշբուղը հայտարարել էր՝ «Եթե հանգուցալուծվի Հրանտ Դինքի դատավարությունը, այդ կառույցը կգաղտնազերծվի»: Կարծում եք, որ hանրության մեջ մեծ արձագանք առաջացնող սպանությունները և մահափորձերը դավադրություններ էին, որոնք նպատակ ունեին ապահովել հանրության օգնությո՞ւնը:
– Ամեն ինչ Դինքի դատավարությունով բացատրելը կվնասի Դինքի դատավարությանը:
Ըստ իս՝ Դինքի գործը կապված է զուտ նրա անձի հետ: Այսինքն, Դինքի սպանությունն իրականացվել է այն պատճառով, որ մարդկանց համար անընդունելի էր նրա հոդվածներն ու աշխարհայացքը: Ինչ վերաբերում է զուգահեռ կառույցին՝ ապա այն նպատակ ուներ պետությունը վերցնել իր ձեռքը, ինչը սպառնալիք էր ազգային անվտանգության համար: Այդ և նման տեսակետները նպատակ ունեն շեղել զուգահեռ պետության դեմ պայքարից:
http://civilnet.am/turkey-erdogan-dink-murder-reason/