Թուրք-լազ գրող Սերքան Էնգինի` Հայոց ցեղասպանության մասին պոեմը հասանելի է ընթերցողին

Թուրք-լազ գրող Սերքան Էնգինի պոեմը` հայերի, ասորիների ու հույների ցեղասպանության մասին, արդեն հասանելի է ընթերցողին: Պոեմը վերնագրված է «Բարբարոսն ու տիկին Դեյզին» և տեղադրված է ամերիկյան ավանգարդ երգչուհի Դիամանդա Գալասի կայքում` «Diamandagalas.com»: Սերքան Էնգինը մոր կողմից թուրք, հոր կողմից լազ է, բայց իրեն համարում է ազգությամբ լազ, քանի որ իր համար ամոթ է մորական կողմի նախնիների արարքի կրողը լինել:

«Ես հրաժարվում եմ ինձ թուրք համարել, քանի որ իմ թուրք նախնիներն Օսմանյան կայսրության ժամանակաշրջանում իրականացրել են հայերի ցեղասպանությունը: Թուրքերն ու քրդերը դաժանաբար սպանել են 1.5 միլիոն հայերի, բռնաբարել փոքրիկ երեխաների, ողջ-ողջ այրել նրանց, գողացել են հայերի հարստությունը: Հայերի հետ Օսմանյան Թուրքիայում սպանվել են նաև հազարավոր ասորիներ»,-ասված է նրա «Անտանելի ամոթ է լինել թուրք» հոդվածում:
Բանաստեղծության անգլերեն տարբերակը կարող եք ընթերցել այստեղ`
http://armenian-poetry.blogspot.com.tr/2014/06/serkan-engin-barbarian-and-ms-daisy.html
http://www.z1news.am/post/11573