Վանում հայատառ ցուցանակներ են հայտնվել

«Բազմալեզու կյանք» ակցիայի շրջանակներում Վանի որոշ շրջաններում, թուրքերեն և քրդերեն վահանակներից բացի, հայերեն գրություններ են հայտնվել:
Էդրեմիթի քաղաքապետարանի ավագանու որոշմամբ՝ շրջանի մուտքն ազդարարող վահանակի վրա գրվելու է թուրքերենով, քրդերենով, հայերենով և անգլերենով:
Քաղաքապետ Սևիլ Ռոժբին Չեթինի խոսքով՝ իրենց նպատակը հայերի հանդեպ թշնամանքի կարծրատիպը կոտրելն է:
«Քուրդ ժողովուրդն իր պատմության ընթացքում համատեղ ապրել է Անատոլիայի փոքրամասնություններից հայերի հետ և պատմական, մշակութային, հավաքական համախմբվածություն ենք ունեցել: 1915թ.-ին հայերի տեղահանությունից առաջ Էդրեմիթում շատ հայեր են ապրել: Վանում հայերն ու քրդերը դարեր շարունակ եղբայրների նման են ապրել: Այդ պատճառով էլ թույլ չենք տա, որ հայերի մշակույթն ու պատմությունը ոչնչացվեն»,-ասել է նա:
http://www.tert.am/am/news/2014/07/25/van-boards/