Ֆրանսիայի հայկական հ/կ-ն համագործակցում է Դիարբեքիրի քաղաքապետարանի հետ

Եվրոպայի հայկական կազմակերպություններից «Երկիր»-ի ներկայացուցիչները հյուրընկալվել են Դիարբեքիրի քաղաքապետարանում: Քաղաքապետարանի ղեկավար անձանցից Ֆըրաթ Անլըն դիմավորել է հյուրերին և քննարկումներ ծավալել:
Ըստ թուրքական «Սոն դաքիքա» լրատվական կայքի` «Երկիր»-ի ներկայացուցիչ Արմեն Ղազարյանը հայտնելով, որ իրենք Ֆրանսիայում գործող հասարակական կազմակերպություն են, գոհունակությամբ նշեց, որ վերջին տարիներին Դիարբեքիրի քաղաքապետարանի հետ համատեղ տարբեր մշակութային ծրագրեր են կյանքի կոչել: Ղազարյանն այդ ամենի շարունակությունը տեսնելու ցանկություն հայտնեց: Նա նաև ուշադրություն հրավիրեց Դիարբեքիրի քաղաքապետարանի աջակցությամբ վերջերս կազմակերպած իրենց լուսանկարների ցուցահանդեսի վրա, որը լայն արձագանք գտավ ու լուսաբանվեց ինչպես հայաստանյան, այնպես էլ սփյուռքի մամուլում:
Ֆըրաթ Անլըն էլ իր հերթին ողջունեց համատեղ նախագծերի իրականացումը` հայտնելով կատարվածի կապակցությամբ իր գոհունակությունը: Նա նաև կարևոր համարեց հայոց մշակույթն այլոց ներկայացնելը և հաղորդակից դարձնելը:
http://ermenihaber.am/?lang_id=2&news_=5&cur_news=561