Օրհան Փամուքի տուն գող է մտել

Նոբելյան մրցանակի դափնեկիր, թուրք գրող Օրհան Փամուքի տուն գող է մտել։
Ինչպես տեղեկացնում է «Հուրրիյեթ» թերթի կայքը, Ստամբուլի Բեյօղլու թաղամասում գտնվող տնից գողերը տարել են նրա դյուրակիր համակարգիչն ու լուսանկարչական ապարատը։
15 օրով հանգստի մեկնած Փամուքը տուն վերադառնալուց հետո նկատել է, որ դուռը կոտրված է։ Վնասված է եղել դռան փականը, և գրողը զգացել է, որ տունը թալանել են։
Նա այդ մասին տեղյակ է պահել ոստիկանությանը և հայտնել, որ համակարգիչն ու լուսանկարչական սարքն անհետացել են։
Ոստիկաններն ուսումնասիրել են թաղամասում տեղադրված տեսախցիկների ձայնագրությունները և ֆիքսել են երկու մարդու, որոնք կարող են կասկածյալները լինել։
http://www.tert.am/am/news/2014/07/16/pamuk-beyoglu/