Yeni Çağ. Թուրքիայի թշնամիների հույսն Էրդողանն է

Թուրքիայի նախագահի թեկնածու, երկրի գործող վարչապետ Ռեջեփ Թայիփ Էրդողանի հաղթանակին կողմնակից են մի կողմից կիպրացի հույներն ու Ամերիկայի Միացյալ Նահանգները, մյուս կողմից հայերն ու Քուրդիստանի բանվորական կուսակցությունը (ՔԲԿ-PKK): Նման տեսակետ է տեղ գտել թուրքական ընդդիմադիր «Յենի չաղ» թերթում հրապարակված «Մեր թշնամու հույսը Էրդողանն է» հոդվածում:
Հոդվածի հեղինակ Սալիմ Յավաշօղլուն հիշեցնում է ԱՄՆ փոխնախագահ Ջո Բայդենի` ավելի վաղ ասված խոսքերը. «Կիպրական հարցն Էրդողանի հետ ենք լուծելու»: Նշվում է նաև, որ քրդական ճամբարը ևս հույսեր է կապում Էրդողանի հետ: Օրինակ` քրդերի ցմահ բանտարկյալ առաջնորդ Աբդուլլահ Օջալանի հետ Անկարան բանակցում է քրդական հարցի կարգավորման շուրջ: «ՔԲԿ»-ից տարբեր առիթներով շնորհակալան խոսքեր են հղվում Էրդողանին և այլն:
«Թուրքիայի մեկ այլ թշնամի երկիր էլ` Հայաստանը, – գրում է Յավաշօղլուն, – գոհացած է Էրդողանի սկսած երկխոսության գործընթացից: Վերջին հաշվով հայերի և նրանց աջակիցների կողմից հրճվանքով է ընդունվել Էրդողանի ցավակցական ուղերձը: Հայերը հայտարարելով, որ սա դեռ սկիզբն է, նշում են, թե լավատես են ցեղասպանության ճանաչման և հատուցման հարցերը սեղանին դնելու գործում»:
http://ermenihaber.am/?lang_id=2&news_=3&cur_news=1876