Մարդինի եկեղեցիներն ու պատմական վայրերը մաքրվում են. լվացվում այնտեղ տանող ճանապարհները

Մարդինի Արթուքլու շրջանի քաղաքապետարանը սկսել է մաքրել քաղաքի եկեղեցիները, մզկիթներն ու պատմական վայրերը։ Մաքրվում են նաև դեպի այդ վայրեր տանող ճանապարհները. տեղեկացնում է Hyetert-ը։
Քաղաքում գտնվող 31 մզկիթների, 11 եկեղեցիների և այլ վայրերի ճանապարհները լվացվում են։ Քաղաքի վարչության համանախագահներ Սևինչ Բոզանն ու Էմին Իրմաքը նշում են, որ այդ կերպ իրենք ցանկանում են ի ցույց դնել քաղաքի մաքուր դեմքը։

Համանախագահները նշել են, որ մաքրման աշխատանքներ իրականացվելու են հատկապես այն վայրերում, որտեղ զբոսաշրջիկները հաճախ են լինում։
«Հատկապես այս ամիսներին մեր հին քաղաքի պատմական վայրեր, եկեղեցիներ ու մզկիթներ այցելողների թիվն աճում է։ Տեղացի և օտար զբոսաշրջիկների մեծ հոսք է նկատվում։ Այդ պատճառով մեր աշխատանքներն սկսել ենք մաքրությունից»,-ասել են նրանք։
http://www.tert.am/am/news/2014/07/13/mardin/