«Սելո ջան, մենք քեզ հետ ենք». Թուրքիայի նախագահի թեկնածուն ստացել է հայ կանանց աջակցությունը

Թուրքիայի նախագահի թեկնածու Սելահաթթին Դեմիրթաշը, ով առաջադրվել է ընդդիմադիր Ժողովուրդների դեմոկրատական կուսակցության կողմից, Շիշլիի քաղաքային մշակույթի կենտրոնում հանդիպել է համաքաղաքացիների հետ: Ի դեպ, Դեմիրթաշը ծագումով զազա քուրդ է:
Նախագահի ընդդիմադիր թեկնածուն դժգոհել է Թուրքիայի պետական հեռուստաալիքի (TRT)-ի անբարեխիղճ և խտրականություն ցուցաբերող հեռարձակումներից և պահանջել վերջինիս գործադիր տնօրենի հրաժարականը: Միևնույն ժամանակ հավաստիացրել է, որ իրենք առանց TRT-ի էլ իրենց ձայնը հնարավորին կերպով փորձում են հասցնել ժողովրդին:
Դեմիրթաշն անդրադարձել է նաև կանանց նկատմամբ Թուրքիայում դրսևորվող արատավոր վերաբերմունքին, երբ կանանց «մարդատեղ չեն դնում» և նրանց դիտում են միայն որպես «երեխա արտադրող մեքենա»:
«Արդեն ժամանակն է, որ կանայք ներգրավվեն իշխանության մեջ»,- ըստ թուրքական «Փոստ մեդիա» լրատվականի` ասել է Դեմիրթաշը: Ի պատասխան այդ խոսքերի` սրահում մի խումբ հայ կանանց ստորագրությամբ ցուցապաստառ է ծածանվել, որ վրա գրված է եղել «Սելո ջան, մենք քեզ հետ ենք» (Selo Can seninleyiz):
http://ermenihaber.am/?lang_id=2&news_=3&cur_news=1874