Թուրքիայում վերահրատարակվել է հայ բանաստեղծների ժողովածուներից մեկը

Թուրքական «İş» բանկի մշակութային հրատարակչությունը ընթերցասերներին է ներկայացրել «Կորած բանաստեղծներ» շարքի 5-րդ գիրքը: Վերջինս հայ բանաստեղծներ Կարպիս Ջանջիկյանի և Հայկազուն Գալուստյանի` 1942 թվականին լույս տեսած «Բալքըս» ժողովածուի վերահրատարակումն է:
Կարպիս Ջանջիկյանը (1920-1946) ծնվել է Պոլսի Սամաթիա թաղամասում: Նա սովորել է Կենդրոնական վարժարանում, այնուհետև` Իտալական դպրոցում: Մանուկ հասակից սկսել է բանաստեղծություններ գրել, ապա միջնակարգ դպրոցում ծանոթացել է Հայկազուն Գալուստյանի հետ (1920-1985): Այնուհետև նրանք միասին հրատարակել են «Բալքըս» կոչվող ժողովածուն, որտեղ ներկայացված բանաստեղծությունները պատմում են հասարակ մարդկանց կյանքի պատմությունները: Նրանց ստեղծագործությունների վրա մեծ ազդեցություն է թողել թուրք նշանավոր գրողներ Օրհան Վելիի, Մելիհ Ջևդեթի և Օքթայ Ռըֆաթի սկսած «Գարիփ» բանաստեղծական հոսանքը:
Ankakh.com