Ազգայնական շարժում կուսակցության անդամ Յուսուֆ Հալաչօղլու. «Սըրրը Սաքըքը հայ է»*

Ազգայնական շարժում կուսակցության անդամ, Կայսերիից (Կեսարիա-Ակունքի խմբ.) ընտրված պատգամավոր Յուսուֆ Հալաչօղլուն ասաց. «ՊԿԿ-ի 80 տոկոսը հայ է»: Հալաչօղլուն նաև հետևյալը նշեց իր հայտարարության մեջ.
«Հայերի մոտ նկատվող թուրքական անունները և հատկապես թուրքական «ազգանունները» նրանց կողմից իրենց թաքցնելու նկատառմամբ են վերցված: Դրա համար էլ նրանց պապերի անուններն ենք տալիս, իսկ մայրերն ու հայրերը կրում են կեղծ թուրքական անուններ:
«Օզգյուր գյունդեմ» պարբերականի կողմից` լեռներ բարձրացած 300 ավազակների շրջանում (նկատի ունի ՊԿԿ-ի անդամներին-Ակունքի խմբ.) կատարված հարցախույզի համաձայն` 34 տոկոսը «կրոնական առաջնորդ» է համարել Զրադաշտին, 34 տոկոսը` Հիսուսին, 10 տոկոսը` Մուհամմեդին, 7 տոկոսը` Մովսեսին, 4 տոկոսը` Աբրահամին, իսկ 11 տոկոսն իր կրոնն է համարել մանիքեականությունը: Ինչպես ակնհայտ է դառնում այս հարցախույզից, ավազակների ընդամենը 10 տոկոսն է մուսուլման:
35 հազար հոգու մահվան մեջ մեղավոր ՊԿԿ-ի առաջնորդ Արթին Հակոբյանը (ԱՓՈ) (նկատի ունի Աբդուլլահ Օջալանին-Ակունքի խմբ.) հայ է:
«Մատ չունեցող խելացի» կոդավորված անվամբ հայտնի Շեմդին Սաքըքը հայ է: Նա ինքն է հայտնել, որ իր մեծ մայրը հայ է եղել:
Անջատողական քրդական կուսակցության այսպես կոչված համանախագահ Էմինե Այնան զտարյուն հայ է:
ՊԿԿ-ի առաջնորդներից 1959 թ. Սիլվանում ծնված, «Քուրդիստանի վտարանդի կառավարության» պատվիրակ Սեմրա Բաքըրը, որի անունը հիմա առանձնապես չի շոշափվում, ևս հայ է: Վերջինիս եղբոր` Օրհան Բաքըրի իրական անունն Արմենակ է: Նա հայկական ահաբեկչական կազմակերպություն եղող ՏԻԿԿՕ-ի անդամ էր: Սույն կազմակերպության կենտրոնական կոմիտեի անդամը դարձած Օրհան Բաքըրը սպանվել է անվտանգության ուժերի հետ ընդհարման ժամանակ:
1977 թ. Սիլվանում ծնված Բյուլենթ Բաքըրը հայ է:
«Վտարանդի կառավարության» պատվիրակ Մերյեմ Թաբաշը ևս հայ է: Պապը Հոքարն է, տատը` Հայկանուշը:
«Զազան Բերթին» կոդավորված անվամբ հանդես եկող` 1980 թ. Սիլվանում ծնված Ռուշեն Թափանջըն հայ է: Նրա մեծ հոր անունը Օհաննիս է: Նա մասնակցել է «Կապույտ շուկան» հրկիզելու գործողությանը:
1975 թ. ծնված Յուսուֆ Ջիհանգիրը հայ է: Նրա պապի անունը Վարդան է:
1965 թ. Քարաքաչանում ծնված Ադնան Դիզինը հայ է: Նրա պապի անունը Գրիգոր է:
1970 թ. Սիիրթում (Սղերդ-Ակունքի խմբ.) ծնված Նիհաթ Թյուրքսոյը բոլորովին էլ ԹՈՒՐՔԱԿԱՆ ազգություն չունի («սոյ» թուրքերեն նշանակում է ցեղ, ազգություն -Ակունքի խմբ.), հայ է: Նրա պապի անունը Սարգիս է, տատինը` Զերդո:
1977 թ. Բոզովայում ծնված Մեհմեթ Գյուզելը հայ է: Պապի անունը Մկրտիչ է, տատինը` Իլսևիկ:
«Ջիհան» կոդավորված անվամբ 1974 թ. Փերթեքում ծնված Աքիֆ Յադիգյարօղուլլարըն հայ է: Պապի հայրը Աբգարն է, մայրը` Մարիամը:
1973 թ. Օմերլիում ծնված Մեթին Գյումյուշը հայ է: Պապի հայրը Արթինն է, պապի մայրը` Դիհրամը:
1948 թ. Փալուում (Բալու -Ակունքի խմբ.) ծնված Զյուլքյուֆ Դեմիրթաշը հայ է: Այս քրիստոնյա հարիֆը եղել է Ժողովրդի դեմոկրատիա կուսակցության իմամների միության անդամներից մեկը…
1978 թ. Սիլվանում ծնված Սիդար Շիմշեքը հայ է: Պաշտոն է ունեցել Դեմոկրատական ժողովրդական կուսակցության շրջանային կազմակերպությունում: Պապի հոր անունը Պետրոս է, տատինը` Լուշին:
1977 թ. Դիարբեքիրում ծնված Մեհմեթ Սամի Գենիշը հայ է: Թմրանյութերի մաքսանենգ է: Ձերբակալվել է 2002 թ. դեկտեմբերի 11-ին և Ստամբուլի 6-րդ պետական անվտանգության դատարանում քրեական օրենսգրքի 405-րդ և 403-րդ հոդվածների հիման վրա թմրանյութերի վաճառքի մեջ մեղադրվելով` դատապարտվել 6 տարի և 8 ամիս ազատազրկման: Նրա պապի հոր անունը Սարգիս է, մորինը` Շուշի:
1975 թ. Աֆշինում ծնված Օզգյուր Էրբիլը հայ է: Կեղծ փաստաթղթերով արտերկիր է մեկնել: Գերմանիայում զբաղվում է թմրանյութերի վաճառքով: Պապի հայրը Հակոբն է, մայրը` Լյուսյեն:
1977 թ. Սիլվանում ծնված Օրհան Օլսենը հայ է: Պապի հոր անունը Իլիո է, տատինը` Մարի: Կեղծ փաստաթղթերի շնորհիվ բանակում չի ծառայել:
1968 թ. Մուշում ծնված Քութբեթին Աքշուլան հայ է: 1992 թ. Մուշի նահանգում ՊԿԿ-ի ահաբեկչական կազմակերպությանը նյութական աջակցություն ապահովելու նպատակով զբաղվել է զենքի մաքսանենգությամբ և դրա համար ձերբակալվել: Նրա պապի հայրը Վարդանն է, պապի մայրը` Զելհան: Կեղծ փաստաթղթերի շնորհիվ չի ծառայել բանակում:
1979 թ. Յուրթբեյիում ծնված Բարըշ Բաշաքը հայ է: Տատի մոր անունը Քոթինե է: Ժողովրդավարական հասարակություն կուսակցության անդամ է:
1953 թ. Իդիլում ծնված Աբդյուլազիզ Օզդեմիրը հայ է: Պապը Յուսուֆն է, տատը` Քազոն: Սպանվել է 1991 թ. փետրվարի 21-ին տեղի ունեցած ընդհարման ժամանակ:
1972 թ. Սիվերեքում ծնված Լևենթ Քայադաղը հայ է: Պապը Միգդաթն է, տատը` Հավուշը: Սպանվել է 1993 թ. հոկտեմբերի 16-ին տեղի ունեցած ընդհարման ժամանակ:
1954 թ. Բեշթյուշեբափում ծնված Մեհմեթ Օզթունչը հայ է: Պապի անունը Մովսես է, տատինը` Միրան: Ձերբակալվել է ՊԿԿ-ին օգնություն ցուցաբերելու համար և հետագայում ընտրվել Ժողովրդի դեմոկրատիա կուսակցության` Անթալիայի շրջանային խորհրդի կազմում:
1977 թ. Քարայազըում ծնված Իդրիս Սեֆիլը հայ է: Բանտարկվել է ահաբեկչության մեղադրանքով, հետո որոշ ժամանակ եղել է Ժողովրդի դեմոկրատիա կուսակցության երիտասարդական կոմիտեի անդամ: Կեղծ փաստաթղթերի շնորհիվ բանակում չի ծառայել: Իդրիսի ազգական Էրսին Սեֆիլը ևս հայ է: Նա սպանվել է Հյուսիսային Իրաքում տեղի ունեցած ընդհարման ժամանակ:
1974 թ. Հազրոյում ծնված Հաջի Իչերը ոչ հաջի է (Մեքքա գնացած ուխտավոր -Ակունքի խմբ.), ոչ էլ` խոջա (ուսուցիչ, մահմեդական հոգևորական -Ակունքի խմբ.): Նա հայ է: Պապը Ալին է, տատը` Գուլեն: Ժողովրդի դեմոկրատիա կուսակցության` Հազրո գավառի ղեկավար խորհրդի անդամ էր: Նա ևս կեղծ փաստաթղթերի շնորհիվ բանակում չի ծառայել:
1973 թ. Յայլայանում ծնված Դիլավեր Օնջյուն հայ է: Ժողովրդի դեմոկրատիա կուսակցության` Քոնաքի մասնաճյուղի ղեկավար խորհրդի անդամն էր: Իզմիրում միսիոներական գործունեություն է ծավալել, եկեղեցում երդվելով` քրիստոնեություն է քարոզել:
1965 թ. Ֆիրքեում ծնված Էդիփ Յըլդըզը հայ է: Պապի հայրը Գաչոն է, մայրը` Ռիհան: Ժողովրդի դեմոկրատիա կուսակցության խորհրդի անդամ էր: ՊԿԿ-ի կազմում լինելու մեջ մեղադրվողների դատապաշտպանն է: Նա եղել է Նևշեհիրի Ե տիպի կալանատանը գտնվող ՊԿԿ ահաբեկչական կազմակերպության անդամ Նիմեթ Ջանի փաստաբանը:
1964 թ. Բենեքում ծնված Հաշիմ Բենեքը հայ է: Պապի հոր անունը Շիհո է, տատինը` Քիթրո: 1985 թ. մարտի 16-ին Շըրնաք գավառի Դերելեր գյուղի կողմերում Էշեք Մաղալարը կոչված վայրում ձերբակալվել է անվտանգության ուժերի և ահաբեկիչների միջև եղած ընդհարման ընթացքում և դատվել Դիարբեքիրի դատարանում` քրեական օրենսգրքի 168 հոդվածով. անօրինական կերպով զինված կազմակերպություն հիմնել կամ մասնակցել: Բանտ է նստել, այնուհետև` եղել Ժողովրդավարական կուսակցության` Անթալիա-Մուրաթփաշայի քաղաքապետարանի հանձնախմբի անդամ:
1954 թ. Քամբերշեյհում ծնված Մահմութ Հաքքը Էշիյոքը հայ է: Պապի հոր անունը Հոքար է, տատինը` Հայկանուշ: Եղել է Ժողովրդի դեմոկրատիա կուսակցության` Ստամբուլի նահանգային կազմակերպության քարտուղարը:
1959 թ. Ուրֆայում ծնված Իզեթին Քալայջըն հայ է: 1986 թ. հուլիսի 11-ին դատվել է Դիարբեքիրի 11-րդ դատարանում` քրեական օրենսգրքի 168-րդ հոդվածով. անօրինական կերպով զինված կազմակերպություն հիմնել կամ մասնակցել: Դատապարտվել է 8 տարի, 8 ամիս ազատազրկման, ապա` պաշտոնավարել Շանլըուրֆայի` Ժողովրդի դեմոկրատիա կուսակցության նահանգային կոմիտեում: 1996 թ. հունիսի 23-ին Անկարայում տեղի ունեցած` Ժողովրդի դեմոկրատիա կուսակցության 2-րդ հերթական համաժողովում մասնակցել է թուրքական դրոշն իջեցնելու և ՊԿԿ-ի դրոշը բարձրացնելու գործողությանը:
1948 թ. Քյուլյուքում ծնված Մեհմեթ Ջանթեքինը հայ է: Պապի հայրը Պետրոսն է, մայրը` Մարիամը: Դիարբեքիրի կենտրոնական` Քայափընարի քաղաքապետը եղած Մեհմեթ Ջանթեքինը 1995 թ. խորհրդարանային ընտրություններում եղել է Դիարբեքիրի` Ժողովրդի դեմոկրատիա կուսակցության ընտրացուցակով ներկայացված պատգամավորի թեկնածու: Թե’ Մեհմեթ Ջանթեքինը և թե’ Քուլփ Քարփուզլուն, գյուղի պահապաններին ուղղորդելով, ահաբեկչական կառույց եղող ՊԿԿ-ին լոժայական աջակցություն են ցուցաբերում: 2003 թ. ՊԿԿ-ի` 1978-ին հիմնված Դիարբեքիրի Լիջե գավառին ենթակա Ֆիս գյուղում Դեմոկրատական ժողովրդական կուսակցությունը “Göç-Der” կազմակերպության ղեկավարների հետ միասին «Խաղաղության ծառ» անվան տակ ծառատունկի արարողություն է կազմակերպել: Սույն արարողության շրջանակներում դրվատանքի խոսքեր են հնչել անջատողականների ղեկավար Օջալանի հասցեին:
1953 թ. Սիիրթում ծնված Մարուֆ Ալթընը հայ է: Պապի հայրը Օհաննիսն է, մայրը` Փորին: Սակայն հոր փոխված անունը Հյուսեին է, իսկ մորինը` Նաֆիյե: Նրանք այդ կերպ թաքցրել են իրենց հայ լինելը, ինչպես որ շատերն են այդպես վարվում: Դեմոկրատական կուսակցության` Իզմիրի և Քոնաքի շրջանային կոմիտեի անդամ էր: 1998 թ. հուլիսի 23-ին Թուրքիայի քրեական օրենսգրքի 168-րդ հոդվածով դատապարտվել է 12 տարի, 6 ամիս ազատազրկման. անօրինական կերպով զինված կազմակերպություն հիմնել կամ մասնակցել:
1973 թ. Ուրֆայում ծնված Մեհմեթ Սաիթ Յալչընը հայ է: Պապը Գիրբուշն է, տատը` Վարթին: Սակայն հոր փոխված անունը Մեհմեթ Քերիմ է, մորինը` Մևլուդե: 1997 թ. Բոդրումում տեղի ունեցած ռումբերով հարձակման պատասխանատուն է: Դատապարտվել է ցմահ ազատազրկման:
1975 թ. Հազրոյում ծնված Զանամազաքը եզդի է:
1973 թ. Նուսայբինում ծնված Մեհմեթ Զեքի Շաշմազը եզդի է:
1971 թ. Նուսայբինում ծնված Աբդուլլահ Շաշմազն իրեն բոլորովին էլ Ալլահի ստրուկը չի համարում. եզդի է:
1975 թ. Հազրոյում ծնված Նևզաթ Թեդիքը եզդի է: Հալիթ-Ռևզեթեից եղած Նևզաթ Թեդիքի տատը Հյուսնա Թեդիքն է: Նաև Ժողովրդի դեմոկրատիա կուսակցության` Դիարբեքիրի նահանգային կոմիտեի անդամը հանդիսացող, ինչպես նաև` ՊԿԿ-ի երիտասարդական թևի կազմակերպման գործում դերակատարում ունեցած Թեդիքը 2001 թ. հոկտեմբերի 11-ին Թուրքիայի քրեական օրենսգրքի 168-րդ հոդվածով դատապարտվել է 12 տարի, 6 ամիս բանտարկության. անօրինական կերպով զինված կազմակերպություն հիմնել կամ մասնակցել:
ՊԿԿ-ի` Եվրոպայում գտնվող գոհար Նուրիյե Քեսբիրը եզդի է: Նա միաժամանակ ՊԿԿ-ի ռազմաճակատային կազմավորումը եղող Եվրոպայի քրդական դեմոկրատական հասարակության կոորդինացիայի, այսպես կոչված, խորհրդի անդամ է: Ձերբակալվել է 2001 թ., անօրինական ճանապարհով Հոլանդիա մուտք գործել փորձելու ժամանակ:
1980 թ. Միդյաթում ծնված Շևքիյե Աթալանը եզդի է:
1966 թ. Միդյաթում ծնված Ֆահրեթին Շահինը եզդի է:
Ադանայում ձերբակալված ՊԿԿ-ի անդամ, կենդանի ռումբ Հաթիջե Արաթը եզդի է: Պապը Հասսոն է, տատը` Մարիամը, երկուսն էլ եզդի են:
1955 թ. Բեշինում ծնված Օսման Էրգինը եզդի է: Ժողովրդավարական հասարակություն կուսակցության ղեկավար խորհրդի անդամ է:
Եվրոպայի խորհրդարանի անդամ Ֆելեքնազ Ուջան ևս եզդի է. Արևմուտքը դիտմամբ է նրան թուրքերի միջից ընտրել տվել, որպեսզի մեր դեմ օգտագործվի:
Ֆելեքնազի հայրը` Աբդուլլահ Ուջան, «Եզդիական Քուրդիստանի միության» նախագահն է: Անշուշտ նա էլ է եզդի: Իսկ թե ով է հեռուստաալիքներով հաճախ երևացող Մեթին Ուջան` ինքներդ կռահեք… Քանզի այդ անջատողական մարտիկների ստվերները ողջ լրատվական դաշտում, բյուրոկրատական համակարգում, խորհրդարանում և անգամ բանակում են:
1971 թ. Միդյաթում ծնված Սեյիթհան Ալփարն ասորի է, այսինքն` ոչ թե Սեյիթ մարգարեի թոռն է, այլ մինչև ուղն ու ծուծը` քրիստոնյա:
1976 թ. Միդյաթում ծնված Մեթին Քեսենջին ասորի է: «Բեթհ Նեհրին» անվամբ ասորական կազմակերպության հիմնադիրն է:
1975 թ. Միդյաթում ծնված Ադնան Քեսենջին նույնպես ասորի է:
1983 թ. Նուսայբինում ծնված Բիլալ Յուրեքն ասորի է:
1980 թ. Փերվարիում ծնված Սալիհ Բողդուն ևս ասորի է:
1937 թ. Ջեյլանփընարում ծնված Շեմսի Էմենն ասորի է: Ժողովրդի դեմոկրատիա կուսակցության անդամ էր:
1969 թ. Քութալանում ծնված Իհսան Քայսին ասորի է: Նա ձերբակալվել է կեղծ անձնագրով, երբ Ռումինիայում զբաղված էր ՊԿԿ-ի համար մարդկանց, զենքերի և թմրանյութերի մաքսանենգությամբ: Պապի հայրը Գորգիսն է, մայրը` Շեմունին:
1962 թ. Սիիրթում ծնված Բասրի Քայսին ասորի է: Պապի հայրը Գորգիսն է, մայրը` Շեմունին: Մարդու իրավունքների կազմակերպության` Սիիրթի մասնաճյուղի անդամ էր և Դեմոկրատական ժողովրդական կուսակցության` Սիիրթի նահանգային կոմիտեի պատվիրակ:
1980 թ. Սիիրթում ծնված Այհան Քայսին ասորի է: Պապի հայրը Գորգիսն է, մայրը` Շեմունին: Նա մասնակցել է բազմաթիվ դեպքերի, հանձնվել` 1977 թ.: Խոստովանել է իր հանցանքը և 1999-ին ազատ արձակվել:
1952 թ. Նուսայբինում ծնված Մեհմեթ Զեքի Քանշիրայը ասորի է: Պապի հայրը Զեյթունն է, մայրը` Մերյեմը: Նա մասնակցել է Իզմիրի գյուղական ծառայությունների կողոպուտին: 1990 թ. հուլիսի 16-ին ձերբակալվել է Բորնովայի Գյուղատնտեսության և անտառապահության նախարարության` Իզմիրի նահանգային վարչության անձնակազմի աշխատավարձերը զենքի ուժով բռնագրավելու դեպքի ժամանակ: Բանտարկվել է, ապա` դարձել Ժողովրդի դեմոկրատիա կուսակցության` Գազիեմիր գավառի ղեկավար խորհրդի անդամ:
1968 թ. Դերիքում ծնված Ֆեթհի Օքթայն ասորի է: Պապը Թուրնասն է, տատը` Մենուշը: Ձերբակալվել է 1997 թ. և դատապարտվել ցմահ ազատազրկման:
1948 թ. Փալուում ծնված Զյուլքյուֆ Դեմիրթաշը հայ է: Պապի հայրը Քինքոսն է, մայրը` Նազլըն: Նրանք երկուսն էլ հայ են»:
http://www.adanapress.com.tr/mhpli-yusuf-halacoglu-sirri-sakik-ermenidir.html
Թարգմանեց Մելինե Անումյանը
*Թարգմանությունը կատարվել է ՀԵՀ-ի՝ որպես ՀՀ նախագահի կողմից գործընկեր կազմակերպության հայտարարած` «Հայության խնդիրներն ու իրավունքները Թուրքիայի Հանրապետությունում» անվանակարգով դրամաշնորհով աշխատանքի շրջանակներում:
Akunq.net