Հայ դպրոցականների եւ ուսանողների խնդիրները՝ Թուրքիայում

Երեխաների իրավունքների պաշտպանության հիմնադրամն ու երիտասարդների հետ առնչվող խնդիրները բարձրացնող «Երիտասարդ կյանք» հիմնադրամը ներկայացրել են իրենց աշխատանքների արդյունքները: Այս մասին հայտնում է «Ակօս»-ը:
Ըստ հիմնադրամների տվյալների՝ Թուրքիայում հայերի, քրդերի և այլ ազգային փոքրամասնությունների դեմ խտրականությունը սկսվում է դեռ դպրոցական տարիներից: Թեեւ տեղացի երեխաները նրանց նկատմամբ այնքան էլ լավ վերաբերմունք չեն ցուցաբերում, նրանք առերեսվում են նաև պատմության դասերին ներկա գտնվելու լուրջ խնդրի հետ: Դա զգալի է հատկապես, երբ խոսքը գնում է 1915 թվականի (Հայոց ցեղասպանության-Ակունքի խմբ.) մասին: Հայ աշակերտները պնդում են, որ այդ թվականի դեպքերի մասին դասավանդելիս անգամ ուսուցիչներն են ցայտնոտի մեջ հայտնվում:
Հայտնել են նաև, որ ազգային փոքրամասնությունների երեխաները, հատկապես` հայերը, համալսարանում դժվարանում են մասնագիտություն ընտրել: Նրանք հրաժարվում են իրավաբանություն ուսանելուց՝ խուսափելու համար իրենց ազգային ինքնության պատճառով առաջացող հնարավոր բոլոր խնդիրներից: Ուսանելու համար նրանք հիմնականում ընտրում են Կ.Պոլիսը:
http://www.yerkir.am/am/news/70278.htm