Գերմանիայի Բունդեսթագի հանդիսավոր նիստին հիշատակվել են 1915 թվականի հայկական ջարդերը (Հայոց ցեղասպանությունը-Ակունքի խմբ.)

Գերմանիայի Բունդեսթագի` հուլիսի 3-ի հանդիսավոր նիստին հիշատակվել են 1915 թվականի հայկական ջարդերը:
Հուլիսի 3-ին Առաջին համաշխարհային պատերազմի 100-ամյա տարելիցին նվիրված Գերմանիայի Բունդեսթագում տեղի է ունեցել հատուկ նիստ: Բացման խոսքով հանդես է եկել Բունդեսթագի նախագահ Նորբերտ Լամմերտը:
Լամմերտը բացման խոսքում նշել է, որ Առաջին աշխարհամարտը նշանավորվել է Հաբսբուրգյան եւ Օսմանյան կայսրությունների մայրամուտով եւ ազդադարել նոր դարաշրջանի սկիզբը, ինչպես նաեւ այն միաժամանակ պատերազմական նոր օջախներ է ստեղծել Բալկաններում եւ Կովկասում: Լամերտը որպես օրինակ է բերել հայերի ջարդերը՝ նշելով, որ հայերի արտաքսումն ու ոչնչացումը պատերազմ վարելու միջոց դարձրին տեղահանումն ու զանգվածային սպանությունները:
Իր ամփոփման խոսքում Ն. Լամմերտը, անդրադառնալով երկու աշխարհամարտերի հետեւանքների հաղթահարման դժվարին գործընթացին, այն դիտարկել է համաեվրոպական ինտեգրացիոն ծրագրի համատեքստում եւ ընդգծել, որ եվրոպական օրինակելի փորձը՝ վերջ տալու բռնությունը, հիմնական խորհուրդն է մնում անցած հարյուրամյակի ընթացքում տեղի ունեցած երկու աշխարհամարտերի հիշատակը միասնաբար հարգելու համար:
Բունդեսթագի հանդիսավոր նիստին մասնակցել են ԳԴՀ նախագահ Յոախիմ Գաուկը, դաշնային կանցլեր Անգելա Մերկելը, Գերմանիայի կառավարության անդամները, խորհրդարանի պատգամավորներ, ԳԴՀ սահմանադրական դատարանի նախագահը, ինչպես նաեւ պատվավոր հյուրերի կարգավիճակով` Գերմանիայի նախկին նախագահ Ռիխարդ ֆոն Վայցզեքերը եւ Ֆրանսիայի նախկին նախագահ Վալերի Ժիսկար դ’էսթենը, իսկ որպես հիմնական բանախոս` Փարիզից հրավիրված է եղել հրեական ծագումով դոկ. պրոֆ. Ալֆրեդ Գրոսսերը, ով ծնվել է 1925թ. Գերմանիայում, սակայն 1933թ. նացիոնալ-սոցիալիստների կողմից արտաքսվել է եւ բնակություն հաստատել Ֆրանիսայում:
http://news.am/arm/news/217985.html