Վանում նոր բրենդ է հայտնվել՝ Վանա մողես

Ներկայում Թուրքիայի տարածքում գտնվող Վան նահանգում տարիներ առաջ ռուս եւ գերմանացի գիտնականների կողմից հայտնաբերված նոր մողեսի տեսակը թուրքական իշխանությունները վերցրել են հսկողության տակ եւ նրան տվել Վանա մողես անվանումը։
Թուրքական Milliyet-ի փոխանցմամբ՝ Թուրքիայի անտառների եւ ջրային հարցերով նախարարությունը առաջնահերթ պահպանման անհրաժեշտ կենդանիների ցուցակում է ընգգրկել դեռեւս 1994 թվականին ռուս եւ գերմանացի գիտնականների կողմից Վանի Արճեշի շրջանում հայտնաբերված մողեսի նոր տեսակը։
Կառավարության հանձարարությամբ կազմվել է այդ մողեսի պահպանման հատուկ ծրագիր, իսկ երկու մասնագետներ գործուղվել են Վան եւ հայտնաբերել յուրահատուկ մողեսին, որը պաշտոնապես ստացել է Վանա մողես անվանումը։
Նշենք, որ Վանա լճի ավազանում պետական հատուկ հսկողություն է սահմանված թե Վանա կատվի, թե Վանա լճի միակ ձկնատեսակի՝ Վանա տառեխի նկատմամբ։
http://news.am/arm/news/217521.html