Թուրքական «Հյուրիեթ» թերթից Ֆըրաթ Ալքաչի հաղորդմամբ՝ Ստամբուլի Յեշիլքյոյ թաղամասում գտնվող լատինական կաթոլիկ եկեղեցին ենթարկվել է ավազակային հարձակման: Այն պահին, երբ եկեղեցում մկրտության արարողություն է ընթացել, ութ հոգի՝ զինված դանակներով, ներխուժել են եկեղեցի՝ սպառնալով հավաքվածներին:
Ականատեսների վկայությամբ՝ ներկաները տագնապի րոպեներ են ապրել: Հանցագործներն այնուհետև դուրս են եկել եկեղեցու բակ և դանակով սպառնացել հոգևորականներին: Այդ ժամանակ եկեղեցու սպասավորներից Դողան Յըլդըրըմը մոտեցել է խմբին և պահանջել լքել տարածքը: Բեյօղլու թաղամասի ասորական Սուրբ Աստվածածին եկեղեցու հիմնադրամի փոխնախագահ Քենան Գյուրդալը հարձակման դեպքի մասին նշել է. «Վերջին շրջանում այս հարձակումները հաճախակի են դառնում: Համայնքը վախենում է գալ եկեղեցի: Դիմելու ենք համապատասխան մարմիններին»:
Ankakh.com
Ստամբուլում կաթոլիկ եկեղեցու վրա զինված հարձակում է տեղի ունեցել
•
Leave a Reply