Արա Գյուլերը կարժանանա պատվավոր դոկտորի կոչման

Թուրքիայի Բողազիչի համալսարանը Ստամբուլում ապրող և ստեղծագործող անվանի լուսանկարիչ Արա Գյուլերին կշնորհի պատվավոր դոկտորի կոչում, հաղորդում է թուրքական Radikal-ը:
Ըստ պարբերականի՝ Բողազիչի համալսարանն Արա Գյուլերին նման պատվի է արժանացրել «Թուրքիայի պատմությունն ու կենցաղը ամբողջ աշխարհին ներկայացնելու համար»:
Արա Գյուլերը պատվավոր դոկտորի կոչմանը կարժանանա 2014թ. հուլիսի 1-ին Բողազիչի համալսարանում: Արարողությանը ներկա կգտնվի նաև նշանավոր գրող Օրհան Փամուկը:
Ազգությամբ հայ լուսանկարչի կոչումներն ու մրցանակները գրեթե անհնար է թվարկել: Ներդրած ավանդի համար նա տարբեր տարիների թուրքական կառավարության և նախագահների կողմից ստացել է բոլոր հնարավոր բարձրագույն պարգևները, 2000թ. ճանաչվել է «Դարի լուսանկարիչ»: Արա Գյուլերին անվանում են «Ստամբուլի աչք»:
http://civilnet.am/ara-guler-bogazici-university-honorable-doctror/