ԱՄՆ Կոնգրեսի Ներկայացուցիչների պալատի արտաքին հարցերի հանձնաժողովը կողմ է քվեարկել Թուրքիայում քրիստոնեական եկեղեցիների մասին բանաձեւին՝ մեկ ուղղումով:
Բանաձեւն ԱՄՆ պետքարտուղարությունից պահանջում է ամենամյա հաշվետվություն ներկայացնել Կոնգրեսին կառավարության ջանքերի մասին՝ ուղղված Թուրքիայի Հանրապետությունում եւ հյուսիսային Կիպրոսում թուրքական բանակի կողմից թալանված, բռնագրավված կամ այլ կերպ յուրացված քրիստոնեական սեփականության ուսումնասիրության, վերադարձն ապահովելու եւ պաշտպանությունը վերականգնելու մասին:
Հանձնաժողովում լսումների ժամանակ նախագահ Էդ Ռոյսը նշել է, որ Թուրքիայում քրիստոնեական եկեղեցիների հետ կապված իրավիճակը վատթարանում է՝ չնայած Անկարայի լավատեսական հայտարարություններին: Եվ չնայած Թուրքիայի կառավարության՝ եկեղեցիները վերաբացելու խոստումներին, այդ տեղի չի ունենում: Ավելին, Ռոյսի հավաստմամբ, բյուզանդական երկու եկեղեցիներ մզկիթի են վերածվել:
Կոնգրեսական Էլիոթ Էնգելն իր հերթին նշել է, որ քրիստոնեական բազմաթիվ եկեղեցիներ, ներառյալ՝ հյուսիսային Կիպրոսի տարածքում գտնվող վանքերը, բռնագրավվել են:
http://news.am/arm/news/216498.html
ԱՄՆ Կոնգրեսի հանձնաժողովը քվեարկել է Թուրքիայի քրիստոնեական եկեղեցիների մասին բանաձեւի օգտին
•
Leave a Reply