Ցեղասպանության 100-ամյակին ընդառաջ սառեցվում են թուրք պատմաբանների որոշ ծրագրեր
Թուրք պատմաբանների միջև ֆինանսների բախշման բանավեճերը վերածվել են բացահայտ հակամարտության:
Ինչպես տեղեկացնում է թուրքական Միլլիյեթ օրաթերթը, Աթաթուրքի անվան Մշակույթի, լեզվի եւ պատմության ինստիտուտի Հայկական բաժնի պատմաբանները շրջում են հրաժարականների դիմումները գրպանում:
Հիշեցնենք, որ այս բաժնի պատմաբանները վերջին շրջանում մի շարք միջառումներ ու գիտաժողովներ էին կազմակերպել , որոնց նպատակը 1915 թ Հայոց ցեղասպանության 100 ամյակին ընդառաջ `հայության պատմագիտական մտքին հակազդելն էր:
Ինստիտուտի ղեկավարությունը մերժել է բաժնի պատմաբանների մի շարք ծրագրեր՝ Türkpedia պատմական փաստերի կայքի ստեղծում , TRT հեռուստալիքում պատմական հաղորդաշարերի կազմակերպում, միջազգային գիտաժողովների անցկացում և այլ ծրագրեր:
Բանն այն է , որ առայժմ Աթաթուրքի անվան Մշակույթի, լեզվի եւ պատմության ինստիտուտի նոր ղեկավար դեռևս չի նշանակվել, իսկ Հայկական բաժնի ծրագրերի մի մասի ֆինանսավորումը սառեցվել է:
Սա չի նշանակում, որ Թուրքիան փոխել է իր ժխտողական կեցվածքը 1915 թվականի Հայոց ցեղասպանության փաստի վերաբերյալ: Պարզապես կառավարությունը բյուջեից մեծ գումարներ է հատկացրել այն գիտական կառույցներին, որոնք պետք է հակազդեին և զուգահեռ միջոցառումներ կազմակերպեին հայ գործիչների և պատմաբաններին` ցեղասպանության 100-ամյակին ընդառաջ հակազդելու համար:
Աթաթուրքի անվան Մշակույթի, լեզվի եւ պատմության ինստիտուտում խժդժություններն ունեն կոռուպցիոն բնույթ, թե ով ավելի շատ ֆինանսներ կարող է «պոկել» իր ծրագրերի համար: Իրականում թուրք պատմաբաններին հետաքրքրում է ոչ թե ծրագրերի «արդյունավետությունը» , այլ այդ ծրագերի համար հատկացվող գումարները:
Armweeklynews.am
Leave a Reply