Դիարբեքիրում հուղարկավորել են վերջին հայերից մեկին

Դիարբեքիրում ապրող հայ կանանցից վերջինը համարվող (վերջին քրիստոնյա հայը-Ակունքի խմբ.) 87-ամյա Բեյզար Ալաթան վախճանվել է հունիսի 23-ին:
Դիարբեքիրցի Բեյզար Ալաթան և նրա ամուսինը` Սարգիս Սըթքը Էքենը, իրենց քաղաքացիական ամուսնությունից 60 տարի անց` անցյալ ամիս, ամրագրեցին իրենց ամուսնությունը եկեղեցական կարգով՝ վերջերս վերանորոգված Սուրբ Կիրակոս հայկական եկեղեցում։
Կինը ցանկացել էր, որպեսզի մահվանից առաջ եկեղեցով ամուսնանա Սարգսի հետ, ում հետ միասին էր ապրում տասնամյակներ շարունակ։
Բեյզար Ալաթայի համար կազմակերպված հրաժեշտի արարողությանը մասնակցել են բազմաթիվ մարդիկ, ինչպես նաև Դիարբեքիրի փոխքաղաքապետ Ֆըրաթ Անլըն, Սուրի քաղաքապետ Շեյիթ Նարինը:
Աղբյուր՝ Արթուր Դոլբակյան
AllTurkey.am