Լավրով. Ռուսաստանը պատրաստ է աջակցել հայ-թուրքական հարաբերությունների նորմալացմանը

Ռուսաստանը պատրաստ է աջակցել հայ-թուրքական հարաբերությունների նորմալացմանը: Այս մասին հունիսի 23-ին ՀՀ ԱԳ նախարար Էդվարդ Նալբանդյանի հետ համատեղ ասուլիսում հայտարարել է ՌԴ ԱԳ նախարար Սերգեյ Լավրովը:
Նույն խնդրին ադրադառնալով` Էդվարդ Նալբանդյանը հիշեցրել է, որ ժամանակին Լավրովը Ցյուրիխում ներկա է եղել հայ-թուրքական արձանագրությունների ստորագրմանը: Նրա խոսքով՝ Ռուսաստանի դիրքորոշումը արտացոլված է բազմաթիվ հայտարարություններում:
Իր հերթին, Սերգեյ Լավրովը ընդգծել է ռուսական կողմի պատրաստակամությունը, որն արտահայտվել է արձանագրությունների ստորագրումից առաջ եւ հետո, աջակցել հայ-թուրքական հարաբերությունների նորմալացմանը: Լավրովը նաեւ պատրաստակամություն է հայտնել աջակցել ենթակառուցվածքների կարգավորմանը: Միաժամանակ, նա հիշեցրել է, որ հիմնական խոսքը պիտի ասեն Հայաստանն ու Թուրքիան:
http://news.am/arm/news/215803.html