Կիլիկյան Հայաստանի տարածքում թուրքերը եկեղեցի և գերեզմաններ են հայտնաբերել

Թուրքիայի Քարաման նահանգում գտնվող Ղարադաղի (Կիլիկյան Հայաստանի տարածք) գյուղերից մեկում մաքրման աշխատանքների ընթացքում եկեղեցի և գերեզմաններ են հայտնաբերվել, տեղեկացնում է թուրքական Sabah օրաթերթի կայքը։
Նահանգապետարանի և նահանգի մշակույթի և զբոսաշրջության վարչության մասնագետներն ուսումնասիրել են տեղանքը։
«Որպես «Հազար ու մի եկեղեցիների տարածք» հայտնի այս վայրը 4-րդից 9-րդ դարերում քրիստոնեության կարևոր կենտրոններից է եղել։ Առաջին անգամ Թուրքիայի Հանրապետության տարիներին այստեղ պեղումներ են սկսվել։ Մեր նպատակն է այդ ժառանգությունն ուղղել զբոսաշրջության զարգացմանը։ Այստեղ աշխատանքները շարունակելու և այլ, մոտ 40 եկեղեցիները զբոսաշրջության համար վերաբացելու համար լուրջ նյութական աղբյուրներ են պետք։ Հուսով ենք՝ օգնությունները կշարունակվեն, և աշխատանքներն ավարտին կհասցնենք»,-ասել է Քարամանի նահանգապետը։
http://www.tert.am/am/news/2014/06/21/kilikia-church/