Օլանդն ու Էրդողանը քննարկել են Ղարաբաղի խնդիրը

Թուրքիայի վարչապետ Ռեջեփ Թայիփ Էրդողանը Փարիզում հանդիպել է Ֆրանսիայի նախագահ Ֆրանսուա Օլանդի հետ, որի ընթացքում ի թիվ բազմաթիվ հարցերի, քննարկվել է նաեւ Ղարաբաղի խնդիրը։
Թուրքական T24.com կայքի փոխանցմամբ՝ հունիսի 20-ին, Փարիզի Ելիսեյան պալատում Ֆրանսիայի նախագահ Ֆրանսուա Օլանդն ընդունել է Թուրքիայի վարչապետ Ռեջեփ Թայիփ Էրդողանին։
Հանդիպման ժամանակ կողմերը գլխավորապես քննարկել են Իրաքում եւ Սիրիայում ստեղծված իրավիճակը եւ երկու երկրների միջեւ տնտեսական հարաբերությունների զարգացման խնդիրները։ Օլանդը ցանկացել է, որ Թուրքիան կանգնեցնի Ֆրանսիայից «ջիհադական» երիտասարդների մուտքը Թուրքիա, ովքեր այնտեղից մտնում են Սիրիա։
Էրդողանը նշել է, թե դժվար է հայտնաբերել «ջիհադականներին», քանի որ Թուրքիան զբոսաշրջային երկիր է, սակայն խոստացել է անունները ստանալու դեպքում անել անհրաժեշտ քայլերը։
Նշվում է, որ հանդիպման ժամանակ կողմերը քննարկել են Ղարաբաղի խնդրի լուծման ուղղությամբ իրականացվող աշխատանքները։
http://news.am/arm/news/215666.html