2013-ին Թուրքիան Ադրբեջանին կրակի ռեակտիվ համակարգեր և հրթիռներ է վաճառել

2013 թվականին Թուրքիան Ադրբեջանին կրակի ռեակտիվ համակարգեր և հրթիռներ է վաճառել: Ինչպես հաղորդում է Apa.az-ը, այդ մասին ասվում է ՄԱԿ-ի` Սովորական սպառազինությունների ռեգիստր Թուրքիայի ներկայացրած հաշվետվությունում:
Համաձայն պաշտոնական տեղեկությունների՝ Անկարան անցած տարի Ադրբեջանին է տրամադրել 122 մմ տրամաչափի «Sakarya» T-122 կրակի ռեակտիվ 3 համակարգ: Բացի այդ, Ադրբեջանին է վաճառվել 122 մմ տրամաչափի TR-122 1000 հրթիռ, որոնք օգտագործվում են այդ հրետանային համակարգերում:
«Sakarya» T-122 կրակի ռեակտիվ համակարգը և դրա հրթիռներն արտադրում է ROKETSAN ընկերությունը: Այդ հրթիռների հեռահարությունը 40 կիլոմետր է: Դա երկու անգամ ավելի է ադրբեջանական բանակի մոտ առկա «Գրադ» 9К51 համակարգերում օգտագործվող հրթիռների հեռահարությունից։
http://www.tert.am/am/news/2014/06/20/turkey-azer/