Սեզար Ավետիքյանի «Avedikyan Dictionary» նախաձեռնությունը նպատակ ունի փրկելու արևմտահայերենը մոռացությունից

Նորագույն տեխնոլոգիաները ոչ միայն հեշտացնում են մարդկանց առօրյա կյանքն ու լայն հնարավորություններ ստեղծում հաղորդակցության համար, այլև օգնում են սովորել տարբեր լեզուներ: Հաշվի առնելով աշխարհասփյուռ հայության շրջանում մայրենի լեզվի իմացության և պահպանության կարևորությունը՝ մեկ տարի առաջ ստեղծվեց «avedikyan.com» կայքը, որն առցանց բառարան է ապահովում երեք լեզվով՝ արևմտահայերեն, թուրքերեն և անգլերեն: Այս ծրագիրը մեծ նշանակություն ունի թուրքահայության շրջանում հայախոսության մակարդակը բարձրացնելու տեսանկյունից: Այն ավագ սերնդին կօգնի չմոռանալ մայրենի լեզուն, իսկ ուսանողներին՝ սովորել հայերեն: Այժմ ծրագիրը հասանել է «Android» ve “iOS» համակարգերում, «Aplication Store»-ում և «Google Play»-ում:
Նախաձեռնության հեղինակ Սեզար Ավետիքյանը ամեն օր «Facebook»-ում և «Twitter»-ում գործող «Avedikyan Dictionary» կոչվող էջերում հրապարակում է հայերեն բառեր՝ իրենց իմաստներով: Ավետիքյանն առաջիկայում նախատեսում է իր կայքում ավելացնել նաև ֆրանսերեն լեզուն, բառարանի ձայնային տարբերակը և սկսնակների համար նախադասություններ կազմելու բաժին:
Ankakh.com