«Համշենը անցյալի և ներկայի խաչմերուկներում» վավերագրական ֆիլմի ցուցադրություն և ֆիլմի հեղինակի հետ հանդիպում` Արևմտահայոց հարցերի ուսումնասիրության կենտրոնում

Սույն թվականի հունիսի 25-ին, ժամը 18:30-ին Արևմտահայոց հարցերի ուսումնասիրության կենտրոնում, ՀԵՀ-ի՝ որպես ՀՀ նախագահի կողմից գործընկեր կազմակերպության հայտարարած` «Հայության խնդիրներն ու իրավունքները Թուրքիայի Հանրապետությունում» անվանակարգով դրամաշնորհի շրջանակում, «Հասարակություն եւ մշակույթ» ՀԿ-ն կկազմակերպի «Համշենը անցյալի և ներկայի խաչմերուկներում» վավերագրական ֆիլմի ցուցադրությունը և հանդիպում ֆիլմի հեղինակ` թուրքագետ, բանասիրական գիտությունների թեկնածու Լուսինե Սահակյանի հետ: Ֆիլմի դիտումից հետո տեղի կունենա քննարկում, և հանդիսատեսների հարցերին կպատասխանի ֆիլմի հեղինակը:
Հիշեցնենք, որ «Համշենը անցյալի և ներկայի խաչմերուկներում» վավերագրական ֆիլմն անցյալ տարի արժանացել է Հոլիվուդում անցկացվող «Արփա» միջազգային կինոփառատոնի Արմին Վեգների անվան հեղինակավոր մրցանակին: Այն ցուցադրվել է նաև «Ոսկե ծիրան» երևանյան միջազգային կինոփառատոնում և Նյու Յորքում կայացած «Socially Relevant Films» կինոփառատոնում:
Հրավիրում ենք բոլոր ցանկացողներին:
Հասցե` ք. Երևան, Գյուլբենկյան 38, 5-րդ հարկ:
Հեռախոս` (010) 32 04 49
Akunq.net