Թուրքիայում ցմահ ազատազրկման են դատապարտել երկրի 96-ամյա նախկին նախագահին

Թուրքիայի նախկին նախագահ, 96-ամյա Քենան Էվրենը և Թուրքիայի օդուժի նախկին 88-ամյա հրամանատար Թահսին Շահինքայան ցմահ ազատազրկման են դատապարտվել 1980թ. պետական հեղաշրջման գործով, տեղեկացնում է ИТАР-ТАСС գործակալությունը։
Անկարայի 10-րդ քրեական դատարանը նրանց մեղավոր է ճանաչել «պետական իշխանության դեմ իրականացված հանցագործության համար»։
Էվրենն ու Շահինքայան հեղաշրջման վերջին կենդանի մնացած մասնակիցներն են, որը Թուրքիայի պատմության ամենաարյունալի հեղաշրջումն է համարվում և տեղի էր ունեցել ժողովրդավար ճանապարհով ընտրված կառավարության դեմ։
Գործով մեղադրյալները խախտել էին 1961թ. գործող Սահմանադրությունը։
Ավելի վաղ Էվրենը հայտարարել էր, որ դարձյալ կդիմեր այդ քայլին, եթե նման պայմաններ լինեին։ «Մենք ճիշտ վարվեցինք։ Եվ նույնը կանեինք նաև այժմ։ Դա հանցագործություն չէ։ Չկա նման օրենք, որը կպատժի հեղափոխության համար»,- 2012թ. հայտարարել էր Էվրենը։
http://www.tert.am/am/news/2014/06/18/evren/