Փորձագետ. Թուրքիան ծրագրել էր վերահսկողության տակ վերցնել Սիրիայի հյուսիսային շրջանները

Եթե միջազգային հանրության կողմից աղմուկ չբարձրանար (Քեսաբի հարցը քննարկվել եւ դատապարտվել է տարբեր միջազգային կազմակերպություններում), ապա Թուրքիան կիրականացներ իր ծրագիրը: Այդ մասին հունիսի 17-ի մամուլի ասուլիսի ընթացքում հայտարարեց Գիտությունների ազգային ակադեմիայի արեւելագիտության ինստիտուտի տնօրեն, թուրքագետ Ռուբեն Սաֆրաստյանը:
Նրա խոսքով՝ Թուրքիայի ծրագիրը բաղկացած էր երկու մասից՝ ռազմավարական եւ մարտավարական: «Ռազմավարականն այն է, ինչ Թուրքիան ծրագրել էր «Ջեբաթ ան-Նուսրա» կազմակերպության օգնությամբ. հարված հասցնել Լաթաքիա նահանգին, որից հետո Սիրիայի հյուսիսային, մերձծովյան շրջանները վերահսկողություն տակ վերցներ: Եվ երկրորդ մասը, իհարկե, Քեսաբի՝ գլխավորապես հայերով բնակեցված շրջանի զավթումն էր», – նշեց Ռուբեն Սաֆրաստյանը:
Հիշեցնենք, որ մարդի 21-ին սիրիական ընդդիմության հանցավոր խմբավորումների կողմից գլխավորապես հայերով բնակեցված Քեսաբ քաղաքի վրա զանգվածային գրոհ էր իրականցվել: Քեսաբի բնակչության մեծ մասը տեղահանվել էր Լաթաքիա քաղաք: Նախօրեին Քեսաբը ազատագրվել էր կառավարական զորքերի կողմից:
http://news.am/arm/news/214822.html