Թուրքերը Անիի մէջ նորաձեւութեան ցուցադրութիւն կատարած են

ԵՐԵՒԱՆ, «Արմէնփրէս».- Թուրքիոյ Այտըն համալսարանը, Կարսի մէջ կայացող «Մշակոյթի եւ զբօսաշրջութեան միջազգային օրեր» կոչուած միջոցառման ծիրէն ներս, պատմական Անի մայրաքաղաքին մէջ նորաձեւութեան ցուցադրութիւն մը կազմակերպած է:
Թրքական «Հապերլեր» լրատուական կայքին համաձայն՝ ցուցադրութեան ընթացքին ներկայացուած են նաեւ տարբեր ազգութիւններու աւանդական հագուստներ, որոնք պատրաստուած էին համալսարանի ուսանողներուն եւ դասախօսներուն մասնակցութեամբ: Միջոցառման մասնակցած են Կարս նահանգի գործադիր իշխանութեան եւ մշակութային կազմակերպութիւններու ներկայացուցիչներ:
Թրքական «Elle Turkey» ամսագիրը իր 2011ի դեկտեմբերի թիւով տպագրած էր Անիի մէջ նորաձեւութեան այլ ցուցադրութեան մը լուսանկարները:
http://asbarez.com/arm/195660/