Թուրքիայի ընդդիմությունը նախագահական ընտրություններում միասնական թեկնածու կառաջադրի

Իսլամական կոնֆերանսի կազմակերպության նախկին գլխավոր քարտուղար Էքմելեդին Իհսանօղլուն բարձր է գնահատել Թուրքիայի ընդդիմության՝ գալիք նախագահական ընտրություններում իրեն որպես միասնական թեկնածու ընտրելու նախաձեռնությունը:
Ինչպես հայտնում է ИТАР-ТАСС-ը՝ համապատասխան հայտարարությամբ վերջինս հանդես է եկել այսօր, երբ Ազգային-հանրապետական կուսակցությունն ու Ազգայնական շարժման կուսակցությունը հայտարարել են իրենց որոշման մասին:
Իհսանօղլուն դեռևս չի գրանցվել որպես նախագահի թեկնածու: Ինչպես ակնկալվում է` նա կգրանցվի առաջիկայում, քանի որ գրանցման գործընթացն արդեն սկսվել է: Իհսանօղլուն Թուրքիայում հարգված քաղաքական գործիչ և ակադեմիկոս է: Նա ծնվել է 1943-ին` Կահիրեում, և իր ողջ կյանքը նվիրել է Թուրքիայի պատմության ուսումնասիրմանը:
http://www.tert.am/am/news/2014/06/16/turk-opposition/