«Guardian Liberty Voice». Իսրայելի նոր նախագահն ու Հայոց ցեղասպանության ճանաչման հարցը

NEWS.am-ը զգալի կրճատումներով ներկայացնում է տեսաբան Ռաթան Փոլ Հարշավարդանի հոդվածը, որը հրապարակվել է «Guardian Liberty Voice» պարբերականում:
Վետերան օրենսդիր Ռեուվեն Ռիվլինն Իսրայելի նախագահ կդառնա: Ռիվլինը, ով փոխարինում է Շիմոն Պերեսին 10-րդ նախագահի պաշտոնում, քաղաքականության մեջ նորեկ չէ: Խորհրդարանի անդամների կողմից ընտրված վետերան օրենսդիրն աջ «Լիկուդ» կուսակցությունից դադարել է Քնեսեթի անդամ լինելուց հունիսի 10-ից:
Ռիվլինի դերը հիմնական արարողակարգային կլինի, եւ նա Պաղեստինի հետ երկխոսության ընթացքում որեւէ դեր չի խաղա: Դարձյալ ընտրված նախագահը չի կիսում վարչապետ Բենիամին Նեթանյահուի տեսակետը պաղեստինյան հարցում: Նա դեմ է առանձին Պաղեստինի ստեղծմանը եւ կողմ է հրեաների բնակեցմանը Արեւմտյան ափերի երկայնքով: Նրա անձնական կարծիքն այս հարցի վերաբերյալ հակասում է վարչապետի ու կուսակցության կարծիքներին՝ բաց դարձնելով այն կուսակցության եւ այլ երկրների վերահսկողության համար: Հանդես գալով Քնեսեթում՝ Ռիվլինը, ով Իսրայելի նոր նախագահն է, իր առաքելությունն է հայտարարել թույլ տալ Իսրայելում դեմոկրատիայի զարգացմանը:
Ռիվլինը Արեւմտյան ափի երկայնքով հրեական բնակեցման կողմնակիցն էր եւ 2010թ. հայտարարեց, որ նա պաղեստինցիներին կընդունի որպես իսրայելցի, իսկ պետությունը երկու մասի չի բաժանի: Նա նաեւ հայտնվել էր թերթերի առաջին էջերում Հռոմի պապ Բենեդիկտոս XVI-ի հասցեին ուղղված քննադատությամբ, երբ բացահայտվել էր, որ վերջինս ծառայել է նացիստական բանակում: Լինելով Հայոց ցեղասպանության ճանաչման կողմնակից՝ ակտիվ քաղաքական գործիչը հանդես է գալիս ելույթներով այս հարցի առթիվ: Նա պնդում է, որ ցեղասպանությունը քաղաքական հարց չէ, այլ` ողբերգության մասին հիշեցում, որի հետ բախվեց Հայաստանն Առաջին համաշխարհային պատերազմի տարիներին: 2012թ. նա պնդում էր, որ ցեղասպանությունը Թուրքիայի կամ նրա կառավարության դեմ մեղադրանք չէ:
http://news.am/arm/news/214436.html