Մոսուլում առևանգվել է Թուրքիայի հյուպատոսը

Իրաքի Նինվե նահանգի նահանգապետը հայտարարել է, որ Թուրքիայի հյուպատոս Օզթուրք Յըլմազը և նրա 24 աշխատակիցներ պատանդ են վերցվել նահանգի կենտրոն Մոսուլ քաղաքում «Ալ Կաիդայի» հետ կապեր ունեցող «Իրաքի և Շամի իսլամական պետություն» զինյալ ահաբեկչական խմբավորման կողմից։
Հունիսի 11-ի առավոտյան Թուրքիայի արտգործնախարար Ահմեդ Դավութօղլուն, պատասխանելով լրագրողներին հարցերին, հայտարարել էր, որ Մոսուլում Թուրքիայի դիվանագիտական առաքելությանը որևէ վտանգ չի սպառնում, և որ անվտանգությունն ապահովված է։
«Իրաքի և Շամի իսլամական պետություն» ահաբեկչական խմբավորման՝ Մոսուլը գրավելուց հետո վերջին երկու օրերին քաղաքը լքել է մոտ կես միլիոն մարդ։ Հունիսի 10-ին Մոսուլից հարկադրված հեռացել է նաև 65 հայ ընտանիք։ Իրանը կասեցրել է դեպի Բաղդադ իր թռիչքները։ Իրաքի արտգործնախարարությունը հունիսի 11-ին հայտարարել է, որ հյուսիսային շրջանի քրդական ուժերի հետ համագործակցում են՝ Մոսուլը ահաբեկիչներից հետ վերցնելու նպատակով։
«Իրաքի և Շամի իսլամական պետություն»-ը Սիրիայում կառավարական ուժերի դեմ կռվող հիմնական խմբավորումներից մեկն է և իր վերահսկողության տակ է վերցրել նաև Սիրիայի կառավարական ուժերի կորցրած միակ նահանգի կենտրոն քաղաքը՝ Ռաքքան, ինչպես նաև հյուսիսում Հալեպ նահանգի զգալի տարածքներ։
http://civilnet.am/mosul-turkish-consul-kidnapped-isis/