Էրդողանը կոչ է արել ինքնադատաստանի ենթարկել բողոքի դուրս եկած քրդերին

Թուրքիայի վարչապետ Ռեջեփ Թայիփ Էրդողանը քրդերի նկատմամբ հերթական թշնամություն եւ բռնություն հրահրող կոչն է արել՝ առաջարկելով ինքնադատաստանի ենթարկել ճանապարհ փակելու կամ դրոշ իջեցնելու միջոցով բողոքի դուրս եկած քրդերին։
Թուրքական T24.com կայքի փոխանցմամբ՝ պաշտոնական այցով Թուրքիայում գտնվող Իրանի նախագահ Հասան Ռուհանի հետ հանդիպումից հետո կազմակերպված մամուլի ասուլիսի ժամանակ անդրադարձել է Դիարբեքիրի Լիջեի շրջանում բողոքի դուրս եկած քուրդ ցուցարարների կողմից Թուրքիայի դրոշը իջեցնելու հետ կապված խնդրին՝ հանդես գալով տարօրինակ կոչով։
«Կոչ եմ անում բոլոր քաղաքացիներին նմանատիպ դեպքերում ցուցաբերել նույն վերաբերմունքը, ինչ ցուցաբերեցին Թոքաթի քաղաքացիները։ Չի կարելի ճանապարհ փակել։ Դա ահաբեկչություն է։ Ճանապարհ փակողները պետք է հաշիվ տան դրա համար»,-ասել է Էրդողանը։
Նշենք, որ Լիջեում բողոքի ժամանակ թուրք զինվորականների կողմից սպանված քուրդ ակտիվիստների համար Թոքաթում բողոքի դուրս եկած 30 հոգանոց քուրդ երիտասարդները ինքնադատաստանի էին ենթարկվել թուրք բնակչության կողմից։
http://news.am/arm/news/213727.html