Թուրք յայտնի պատմաբան Թաներ Աքչամը, ով բազում աշխատանքներ է տարել Հայոց Ցեղասպանութեան ճանաչման համար, անդրադարձել է Թուրքիայի համալսարանում աւարտական քննութեան ժամանակ Հայոց Ցեղասպանութեան վերաբերեալ ուսանողներին ուղղւած քննական հարցերին:
«Yerkir.am» – Թուրք յայտնի պատմաբան Թաներ Աքչամը, ով բազում աշխատանքներ է տարել Հայոց Ցեղասպանութեան ճանաչման համար, անդրադարձել է Թուրքիայի համալսարանում աւարտական քննութեան ժամանակ Հայոց Ցեղասպանութեան վերաբերեալ ուսանողներին ուղղւած քննական հարցերին:
«Ակօս»-ին իր կարծիքն յայտնած պատմաբանն ասել է. «Չիմացայ՝ ինչ ասել: Լաց լինել, թէ ծիծաղել՝ չկողմնորոշւեցի: Իրականում ծիծաղս էր գալիս, քանի որ որոշ հարցերի պատասխանների տարբերակները տարօրինակ էին: Օրինակ՝ «Համագործակցելով Ռուսաստանի հետ՝ 1915 թւականին Օսմանեան կայսրութիւնը բանակի եւ քաղաքացիների վրայ յարձակւած հայերին «տեղահանման օրէնքով» տեղափոխել է Սիրիա: Այս ծրագրով Օսմանեան կայսրութիւնը իր ծրագրած ո՞ր նպատակներին է կարողացել հասնել» հարցին, պատասխանի երեք տարբերակ են ներկայացրել: Խելքը գլխին մարդը կը հասկանայ, որ նրանց տւած տարբերակներից երեքն էլ ճիշտ են: Օրինակ՝ տարբերակ 1՝ «ներքին խաղաղութիւն ապահովել», այո, իթթիհադականները իրականում այդպէս մտածեցին: Տարբերակ 2՝ «ամրապնդել հայրենիքի պաշտպանութիւնը», այո, սրա մասին նոյնպէս մտածում էին: Տարբերակ 3՝ «կանխել հայերի մասնակցութիւնը՝ կառավարմանը», այո, եթէ մէկը փոքր ինչ պատմութիւնից տեղեակ է, կը հասկանայ, որ բոլոր այս տարբերակները եղել են նրանց նպատակները:
Անդրադառնալով նաեւ միւս հարցերին, որոնք եւս նման «բառախաղեր» են ունեցել իրենց պատասխանների մէջ, Աքչամն ասել է. «Ի՞նչ էք ակնկալում ասեմ: 90 տարւայ ժխտման քաղաքականութեան զզւելի, էժանագին կրկնութիւն… ափսոս, ափսոս այս երիտասարդներին, ափսոս այս երկրի ապագային… պարզ ասեմ. կարծում եմ՝ առաջին հերթին այս երկիրը պէտք է ազատել նմանատիպ «կրթողներից»: Այս գիտակցութեան, այս մտածելակերպն ունեցող եւ իր մանկավարժներն ունեցող մի պետութեան հետ ոչ մի խնդիր լուծել չէք կարող… ափսոս»:
Alikonline.ir
Leave a Reply