Դինքի գործը քննող դատարանը թուրք պաշտոնյաների նկատմամբ քննություն սկսելու թույլտվություն է տվել

Հրանտ Դինքի սպանության գործի շրջանակում մի քանի թուրք բարձրաստիճան պաշտոնյաների նկատմամբ քննություն կարող է սկսվել:
Ստամբուլի դատարանը չեղյալ է հայտարարել նախապես ընդունված որոշումը, համաձայն որի` արգելվում էր գործի շրջանակում Ստամբուլի նախկին փոխնահանգապետ Էրգյուն Գյունգորի, քաղաքի ոստիկանապետի, ինչպես նաեւ հետախուզական ծառայության ոստիկանական բաժնի նախկին ղեկավարի եւ վեց ոստիկանների նկատմամբ քննության կազմակերպումը, հաղորդում է Hurriyet Daily News-ը:
Դատարանը խորհուրդ է տվել Մարդու իրավունքների եվրոպական դատարանի վճռի հրապարակումից հետո քննություններ սկսել: Դինքի ընտանիքի փաստաբանը եւս հաստատել է, որ երեք պաշտոնյաների եւ վեց ոստիկանների` գործին մասնակցության վարկածի քննությունը հնարավոր է դարձել:
Հիշեցնենք` 2007թ. հուվարի 19-ին անչափաս ազգայնական Օգյուն Սամաստը սպանել էր Ստամբուլում լույս տեսնող «Ակoս» հայկական օրաթերթի խմբագիր Հրանտ Դինքին: Սպանության գործով լսումները 2014թ. հունվարին Ստամբուլի դատարաններից մեկում են վերսկսվել:
http://news.am/arm/news/213161.html