Թուրքիայում հայ եղբայրների կառուցած շենքը վերանորոգել են տուրիզմը զարգացնելու համար

Թուրքիայի Քահրամանմարաշ (Մարաշ) քաղաքում տուրիզմը զարգացնելու համար վերանորոգվել է հայ եղբայրների կողմից 1870 թվականին կառուցված մի շինություն։
Թուրքական Haber3-ի փոխանցմամբ՝ Մարաշի պատմական՝ 144 տարվա պատմություն ունեցող «Զաբունօղլուի տունը» 2010-ին գնել էր Քահրամանմարաշի առեւտրաարդյունաբերական պալատը եւ վերանորոգել՝ ծախսելով 643 հազար լիրա։
Նշվում է, որ շենքը վերանորգվել է, որպեսզի նպաստի Մարաշում զբոսաշրջության զարգացմանը, քանի որ զբոսաշրջիկները քաղաքում պատմական շինություն չգտնելով՝ արագ հեռանում են։
Հայտնի է, որ «Զաբունօղլուի տունը» կառուցել են մասնագիտությամբ բժիշկ հայ եղբարները։ Մինչեւ 1905 թվականը հանդիսացել է հայ եղբայրների աշխատավայրը, որից հետո այն որպես տուն է ծառայել, իսկ Ցեղասպանությունից հետո մինչեւ 1959 թվականը եղել է քաղաքային փոստատուն։
http://news.am/arm/news/212586.html