Հայկական սփյուռքը Հայաստանին ճնշման տակ է պահում. Ջեմիլ Չիչեք

Թուրքիայի խորհրդարանի նախագահ Ջեմիլ Չիչեքը հրաժեշտի այց է կատարել Անկարայում ԱՄՆ դեսպան Ֆրենսիս Ռիկարդոնեին, որի պաշտոնավարման ժամկետն արդեն ավարտվել է: Հանդիպման ժամանակ հետաքրքիր քննարկում է ընթացել հայ-թուրքական հարաբերությունների կարգավորման գործընթացի վերաբերյալ:
Ռիկարդոնեն Չիչեքին հարց է ուղղել, թե ինչու Ցյուրիխյան արձանագրությունները չվավերացվեցին թուրքական մեջլիսում: «Մի երկրին և ժողովրդին արված ամենամեծ վիրավորանքը նրան ցեղասպանություն գործելու մեջ մեղադրելն է: Սա մեծ վերքեր է առաջացնում հարաբերություններում: Ապրիլի 23-ին վարչապետ Թայիփ Էրդողանի արած հայտարարությունը պետք է լավ գնահատել: Ցավոք, ԱՄՆ-ն այս հարցի շուրջ որևէ գնահատական չտվեց: Թուրքիայի նախագահն ու ԱԳ նախարարն այցելեցին Երևան, սակայն դա արդյունք չտվեց, քանի որ մյուս կողմը պատասխան քայլերի չդիմեց: Կովկասյան տարածաշրջանում խաղաղության հասնելու համար անհրաժեշտ է, որպեսզի կարգավորվեն հայ-ադրբեջանական հարաբերությունները: Սակայն հայկական սփյուռքը Հայաստանին ճնշման տակ է պահում: ԱՄՆ ավելի արդար և հարցի լուծմանը նպաստող մոտեցում պետք է ցուցաբերի»,-պատասխանել է Չիչեքը:
Ankakh.com