Հոլանդիայում Հայոց ցեղասպանության հուշարձանը թուրքերի բողոքի պատճառ է դարձել

Հոլանդիայի թուրքական համայնքը շարունակում է բողոքել Ալմելո քաղաքի հայկական եկեղեցու բակում Հայոց ցեղասպանության հուշարձանի տեղադրման դեմ:
2014թ. ապրիլի 25-ին տեղադրված հուշարձանը հարուցել էր թուրքական կազմակերպությունների անհանգստությունը, որոնք էլ Հոլանդիայի բոլոր թուրքերին կոչ էին արել մասնակցել բողոքի ակցիային: Ինչպես տեղեկացնում է թուրքական «Սոն հաբեր» լրատվական կայքը, բողոքի ցույցին մասնակցել է մոտ 5 հազար թուրք:
Ցույցի մասնակիցները «Հայոց ցեղասպանություն չի եղել, դա իմպերիալսիտական սուտ է», «Ցեղասպանությունը պատմական սուտ է», «Ճշմարտությունների հանդեպ լուռ մի՛ մնա, կույր և խուլ մի՛ եղիր» գրությամբ պաստառներ, ինչպես նաև թուրքական և ադրբեջանական դրոշներ էին պարզել:
Բողոքի ցույցը տևել է մոտ 2.5 կես ժամ, որից հետո ցուցարարները ցրվել են:
http://ermenihaber.am/?lang_id=2&news_=8&cur_news=710