Քուրդ ցուցարարների և թուրքական անվտանգության ուժերի միջև բախումներ են գրանցվել. վիրավորվել է 16 զինծառայող

Դիարբեքիրի Լիջե շրջանում (Թուրքիա) Քրդական աշխատավորական կուսակցության (PKK) կողմնակիցների և անվտանգության ուժերի միջև բախումներ են տեղի ունեցել։
Ինչպես տեղեկացնում է İnternet Haber կայքը, PKK-ի աջակիցները փակել են մայրուղին և անվտանգության ուժերին վնասներ հասցրել փայտերով և պայթուցիկ նյութերով։
Նմանատիպ միջադեպ է գրանցվել նաև Մուշում։ Ճանապարհը փակած PKK-ականներին փորձել է ցրել ժանդարմերիան։ Զինվորների ուղղությամբ նետված քարերը 16 մարդու վիրավորվելու պատճառ են դարձել։
Այդ ընթացքում վիրավորվել է նաև պայթուցիկ նետել փորձող մի ցուցարար։ Պայթուցիկը պայթել է նրա ձեռքերի մեջ և պոկել ձեռքը։
http://www.tert.am/am/news/2014/05/31/mush-16/