Թուրք վերլուծաբան. «Թուրքիան Հայաստանին չպետք է ասի` «ոչ»

ՀՀ նախագահի` 2015-ին Հայաստան այցելելու Թուրքիայի նախագահին ուղղված հրավերին անդրադարձել է թուրք վերլուծաբան Մենսուր Աքգյունը: Թուրքական «Սթար գազեթե» լրատվական կայքում հրապարակված «Անկարան Երևանին չպետք է ասի` ոչ» վերնագրով հոդվածում հեղինակը նշում է, որ Թուրքիայի վարչապետ Ռեջեփ Թայիփ Էրդողանի` ապրիլի 23-ի ցավակցական ուղերձով հօդս ցնցդեցին Թուրքիայի ժխտողականության մասին պնդումները: Այդ հայտարարությամբ հաստատվում է, որ ողբեգություն է տեղի ունեցել:
Աքգյունը, խոսելով հայկական կողմի արձագանքների մասին, ընդգծում է, որ հայկական սփյուռքի ծայրահեղական հատվածը բավականին մաքսիմալիստական պահանջներ է առաջ քաշում, իսկ Երևանն էլ ցավակցական հայտարարությունը բավարար չի համարում և հայտնում, որ անհրաժեշտ է ճանաչել ցեղասպանությունը: Եվ ահա գրեթե մեկ տարի առաջ Երևանը Թուրքիային հրավեր է ուղարկում` մասնակցելու 2015 թվականի արարողությանը:
Հոդվածագիրը հույս է հայտնում, որ մինչև այդ ամսաթիվը, որևէ հապշտապ որոշում չի կայացվի, և Սարգսյանի հրավերը չի մերժվի: Ինչպես էլ չլինի, օգոստոսին կայանալիք նախագահական ընդրությունները և ընտրությունների արդյունքում կառավարության հնարավոր փոփոխությունը Թուրքիայի համար ժամանակ շահելու հնարավորություն կտա և պատասխանն ուշացնելու համար ողջամիտ պատճառ կհանդիսանա:
http://ermenihaber.am/?lang_id=2&news_=3&cur_news=1782