Հայոց ցեղասպանության ժամանակ որոշ քրդեր մասնակցել են կոտորածներին. Քուրդ քաղաքական գործիչ

Թուրքական լրատվամիջոցներից մեկը գրում է, որ քուրդ հայտնի գործիչ Հաթիփ Դիջլեն հարցազրույց է տվել և հայտնել, որ թուրքերից բացի` քրդերը ևս պետք է առերեսվեն իրենց պատմության հետ, որում մութ էջեր կան։
Դիարբեքիրի բանտում գտնվող Հաթիփ Դիջլեն խոսել է քրդական հարցի կարգավորման նախաձեռնությունից և միևնույն ժամանակ անդրադարձել Հայոց ցեղասպանության խնդրին. «Ինչպես բոլոր ժողովրդների, այնպես էլ քրդերի մոտ պատմության մեջ մութ էջեր կան, և քրդերը ևս պետք է առերեսվեն սեփական պատմության հետ։ Մենք՝ քուրդ քաղաքական գործիչներս և մտավորականներս, չպետք է քաշվենք պատմության հետ առերեսվելուց»:
Իր խոսքում քուրդ գործիչն ասել է. «Հայոց ցեղասպանության ժամանակ էլ որոշ քրդեր մասնակցել են պետության կազմակերպած կոտորածներին և տիրացել հեռացած հայերի ունեցվածքին։ Այդ մասին լսել ենք մեր պապերից»:
http://replik.am/arm/index.php?id=38736