Լուսին Դինքի «Սարոյանի երկիրը» կցուցադրվի Ստամբուլում

Լուսին Դինքի հեղինակած «Սարոյանի երկիրը» ֆիլմը կցուցադրվի Ստամբուլի Լևենթ մշակութային կենտրոնում: Ֆիլմը կցուցադրվի մայիսի 23-ին, ժամը 19:00-ին: Ցուցադրությունից հետո ֆիլմի հեղինակները կպատասխանեն հանդիսատեսի հարցերին:
Լուսին Դինքի ֆիլմը պատմում է 1964թ. ամերիկահայ աշխարհահռչակ գրող Վիլյամ Սարոյանի` Բիթլիս կատարած այցելության մասին: Ներկայացված են նրա հուշերն ու պատմվածքները, տպավորությունները և ճանապարհին ընկերների հետ ունեցած խոսակցությունները: Սարոյանի կերպարը մարմնավորում է թուրք գրող Ալի Բայրամօղլուն, իսկ Գևորգ Մալիքյանը խաղում է Սարոյանի քեռու` Խոսրովի դերում:

Ավելի վաղ ֆիլմը մասնակցել էր Ստամբուլի 32-րդ միջազգային կինոփառատոնին, ինչպես նաև ցուցադրվել էր Երևանում` «Ոսկե ծիրան» փառատոնի «Հայաստանի համայնապատկեր» ծրագրի շրջանակներում:
http://ermenihaber.am/?lang_id=2&news_=5&cur_news=533