WFF զեկույց. Թուրքիայում ստրկացված դրության մեջ է գտնվում 120.201 մարդ

Ավստրալական Walk Free Foundation իրավապաշտպան հիմնադրամը հրապարակել է աշխարհում ստրկության մակարդակը ցուցանող զեկույց: Այն կազվել է միջազգային իրավապաշտպան կազմակերպությունների, հետազոտական ինստիտուտների և գիտնականների հետ համատեղ աշխատանքի արդյունքում: «Ստկության ինդեքս» անվամբ զեկույցում ընդգրկված է 162 պետություն, որոնք աղյուսակում դասակարգված են նվազման կարգով: Ստրկության ցուցիչը որոշվել է 1.000 ազատ մարդու հաշվով:

«Թուրքիայի ամոթը» վերտառությամբ հրապարակման մեջ թուրքական «Օդա TV» լրատվականը տեղեկացնում է, որ զեկույցի վարկանիշային աղյուսակում Թուրքիան իր ստրկության ցուցիչով (7.40) զբաղեցրել է 90-րդ տեղը: Այս երկրում ստրկության մեջ է համարվում 120.201 քաղաքացի: Ստրկության տեսանկյունից Թուրքիան գնահատվել է որպես ամենառիսկային երկիրը եվրոպական մայրցամաքում:

Ըստ նշյալ զեկույցի չափանիշների` ժամանակակից ստրկության բնորոշիչներ են հանդիսանում հարկադիր աշխատանքը, ստիպողական ամուսնությունը, կախյալությունը վարկատուներից, մարդավաճառությունը և այլն: Իսկ ընդհանուր առմամբ աշխարհում արձանագրվել է ստրկական վիճակում հայտնված 29.8 մլն մարդու գոյության փաստ: Ամենավատ վիճակում ու ցուցակի առաջին հորիզոնականում Մավրիտանիան է, որտեղ կա 151.000 ստրուկ` 3.7 մլն բնակչի հաշվով: Իսկ ամենաբարվոք վիճակը ցուցակը եզրափակող Իսլանդիան է, որտեղ կա 22 ստրուկ 320.000 բնակչի հաշվով:

http://ermenihaber.am/?lang_id=2&news_=4&cur_news=1664