Հայոց ցեղասպանութեան ճանաչումը հրեաների բարոյական պարտքն է: Այս մասին գրել է «The Jerusalem Post»-ը: «Որպէս հրեաներ, մենք պէտք է ճանաչենք հայ ժողովրդի տառապանքը, եթէ անգամ մենք չենք մեղադրում որեւէ մէկին: Մենք գործում ենք որպէս հրեաներ, ովքեր հաւատարիմ են ճշմարտութեանն ու այլ ժողովուրդների տառապանքին:
«Panorama.am» – Հայոց ցեղասպանութեան ճանաչումը հրեաների բարոյական պարտքն է:
Այս մասին գրել է «The Jerusalem Post»-ը:
«Որպէս հրեաներ, մենք պէտք է ճանաչենք հայ ժողովրդի տառապանքը, եթէ անգամ մենք չենք մեղադրում որեւէ մէկին: Մենք գործում ենք որպէս հրեաներ, ովքեր հաւատարիմ են ճշմարտութեանն ու այլ ժողովուրդների տառապանքին: Մենք չենք կարող հերքել պատմութիւնը եւ քաղաքական եւ դիւանագիտական զգուշաւորութիւն ցուցաբերենք մարդկային արժէքների հարցում»,- 1915 թ. Հայոց ցեղասպանութեան թեմայի վերաբերեալ պլենում քննարկման ժամանակ յայտարարել է Քնեսեթի խօսնակ Յուլիյ Էդելշտէյը:
Նա արձագանգել է «Մերեց» կուսակցութեան նախագահ Զեհաւա Գալ-Օնի բանաձեւին, որում կոչ է արւում կառավարութեանը մինչեւ ցեղասպանութեան 100-ամեակը, ճանաչել այն:
«Կառավարութիւնը չպէտք է զոհաբերի ճանաչումը՝ ժամանակաւոր շահերի պատճառով: Ամէն անգամ տարբեր դիւանագիտական լուծումներ կը լինեն: Երբ մենք կողմ ենք Թուրքիայի հետ յարաբերութիւններին, մենք չենք ճանաչում Ցեղասպանութիւնը եւ երբ հարցը գալիս է Մարմարայի թեմային, մենք փոխում ենք մեր միտքը: Որպէս ազգ, որը տեսել է Հոլոկոստ, մենք չենք կարող անհարկի նկատառումների պատճառով՝ արհամարհել Ցեղասպանութեան փաստը»,- նշել է Զեհաւա Գալ-Օնին:
Քննարկման շրջագծում ելոյթ է ունեցել նաեւ «Likud Beytenu» («Իսրայէլը մեր տունն է») քաղաքական միաւորման անդամ Ռեւէն Ռիւլինը՝ յիշեցնելով, որ աշխարհը շարունակում է լռել հայերի հարցով:
«Ինձ համար ծանր է ներել այն ազգերին, որոնք անտեսում են մեր ողբերգութիւնը, ուստի՝ մենք չենք կարող ինքներս անտարբեր լինել այլ ազգի ողբերգութեան հանդէպ: Դա մեր բարոյական պարտականութիւնն է՝ որպէս ժողովուրդ եւ որպէս հրեայ»,- նշել է Ռիւլինը:
Այնուհետեւ Իսրայէլի արտաքին քաղաքական գերատեսչութեան ղեկավար Աւիգդոր Լիբերմանի փոխարէն՝ առաջարկին պատասխանել է զբօսաշրջութեան նախարար Ուզի Լանդաուն, ով եւս համակարծիք է Քնեսեթի միւս պատգամաւորների հետ այն հարցում, որ Ցեղասպանութեան ճանաչումը հրեաների բարոյական պարտաւորութիւնն է:
Քննարկման աւարտից յետոյ Հայոց ցեղասպանութեան ճանաչման վերաբերեալ առաջարկն ուղարկւել է Քնեսեթի Արտաքին գործերի եւ Պաշտպանութեան հարցերով յանձնաժողով:
http://alikonline.ir/hy/news/political/item/17267-«the-jerusalem-post»-«Հայոց–Ցեղասպանութեան–ճանաչումը–հրեաների–բարոյական–պարտքն–է»
Leave a Reply