Մուշի Սուրբ Մարինե եկեղեցին սպասում է վերանորգմանը

Մուշի նոր ընտրված քաղաքապետը աշխատանքներ է իրականացնում ներկայում Թուրքիայի տարածքում գտնվող Մուշի հայկական Բերդի թաղում գտնվող Սուրբ Մարինե եկեղեցու վերանորոգման համար։

Ստամբուլի հայկական «Ակօս»-ի թղթակցի հետ զրույցում Մուշի քաղաքապետ Ֆեյաթ Ասիան նշել է, թե Սուրբ Մարինե եկեղեցին պահպանելու համար հատուկ աշխատանքներ են տարվում, իսկ վերականգման համար` նախագծեր փնտրում։

Նախորդ տարի՝ 2013-ի ամռանը սկսվեց Քալե (Բերդի թաղ) թաղամասի քանդումը, որտեղ գտնվում էին հայկական տները։ Մուշի նախկին քաղաքապետը հայկական պատմական տների քանդումը պայմանավորել էր նոր բազմաբանկարան շենքերի կառուցման անհրաժեշտությամբ։

Հայկական թաղամասի գրեթե բոլոր տները քանդված են, սակայն Սուրբ Մարինե եկեղեցին կիսով չափ կանգուն է։ Եկեղեցին չի քանդվել, քանի որ այն գրանցված է որպես պատմական կառույց։

Սուրբ Մարինեն հանդիսացել է Մուշի գլխավոր եւ ամենամեծ եկեղեցին։

http://news.am/arm/news/209552.html