Կցուցադրվի «Ժամանակի ժամանակը» փաստավավերագրական ֆիլմը՝ նվիրված Ստամբուլի «Ժամանակ» թերթին

Հայաստանի մշակույթի նախարարության հովանավորությամբ, ս. թ. մայիսի 16-ին, ժամը 18:30-ին Հայկական բարեգործական ընդհանուր միության հայաստանյան ներկայացուցչության դահլիճում կցուցադրվի «Ժամանակի ժամանակը» փաստավավերագրական ֆիլմը, որը նվիրված է Ստամբուլի «Ժամանակ» օրաթերթի հիմնադրման 100-ամյակին (հեղինակ՝ Արա Շիրինյան):

«Ժամանակի ժամանակը» ֆիլմի ցուցադրությունը երեւանյան այն միջոցառումների շարքից է, որոնք կոչված են ամփոփելու օրաթերթի հիմնադրման 100-ամյա հոբելյանը:

Ս. թ. մայիսի 17-ին, Մեսրոպ Մաշտոցի անվան հին ձեռագրերի գիտահետազոտական ինստիտուտ – Մատենադարանում կմեկնարկի գիտաժողով, որի շրջանակում տեղի կունենա նաեւ «Ժամանակ» օրաթերթի հիմնադիր Միսակ Գոչունյանի հրապարակախոսական գործերը ներառող «Օրվա մտորումները» ժողովածուի շնորհանդեսը:

http://news.am/arm/news/209273.html