Թուրքիայի արտգործնախարար Ահմեդ Դավութօղլուն հայտարարել է, թե Թուրքիան չի պատրաստվում կատարել ՄԻԵԴ–ի որոշումը, որով նախատեսված է 90 մլն վճարել Կիպրոսի զավթման հետեւանքով տուժած հույներին։
Թուրքական Sondakika կայքի փոխանցմամբ՝ Թուրքիայի ԱԳ նախարար Ահմեդ Դավութօղլուն արձագանքել է Մարդու իրավունքների եվրոպական դատարանի որոշմանը` Կիպրոսի հարցով փոխհատուցման հետ կապված։
Դավութօղլուն նշել է, թե իրենք հարգում են ՄԻԵԴ-ի որոշումները, սակայն Կիպրոսին վերաբերող որոշումը կապված է երկու երկրների միջեւ քաղաքական հարաբերությունների հետ, իսկ Թուրքիան ՄԻԵԴ-ի նշած երկիրը պաշտոնապես չի ճանաչում։ «Իսկ այն երկրին, որին Թուրքիան չի ճանաչում, փոխհատուցում վճարել չենք պատրաստվում»։
Նշենք, որ ՄԻԵԴ-ը Թուրքիային մեղավոր է ճանաչել 1974-ի Կիպրոսի զավթաման ժամանակ մեծ թվով հույների իրավունքների խախտման մեջ եւ պարտավորեցրել վճարել 90 մլն եվրո փոխհատուցում։
90 մլն-ից 30 մլն-ը վճարվելու է 1974-ին թուրքական զինուժի գործողությունների ժամանակ կորածների ընտանիքներին։
Leave a Reply