Պոլսո պատրիարքի փոխանորդը Էրդողանից ուղերձ է բերում ՀՀ նախագահ Սերժ Սարգսյանին

Պոլսո պատրիարքի փոխանորդը Էրդողանից ուղերձ է բերում ՀՀ նախագահ Սերժ Սարգսյանին:

Պոլսո պատրիարքի փոխանորդ Արամ արք. Աթեշյանը ժամանում է Հայաստան մեկ շաբաթով:

Մեր հավաստի տեղեկություններով, մեկ շաբաթով Հայաստան է ժամանում Պոլսո պատրիարքի փոխանորդ Արամ արքեպիսկոպոսը: Բացի Հայաստանում անձնական և եկեղեցական գործերից, մեր տեղեկություններով, Արամ արք. Աթեշյանը Թուրքիայի վարչապետ Էրդողանից բանավոր հատուկ ուղերձ և առաջարկություններ է բերում ՀՀ նախագահ Սերժ Սարգսյանին: 

Հիշեցենք. որ Թուրքիայի վարչապետ Ռեջեփ Թայիփ Էրդողանը մայիսի 1-ին հանդիպել էր Պոլսո հայոց պատրիարքի փոխանորդ, արքեպիսկոպոս Արամ Աթեշյանի գլխավորած պատվիրակության հետ: 

Հանդիպումն անցել էր փակ դռների հետեւում և տևել շուրջ 2 ժամ: Հանդիմանը ներկա էին եղել Թուրքիայի փոխվարչապետ Բյուլենթ Արընչն ու արտգործնախարար Ահմեթ Դավութօղլուն: 

Ինչպես հանդիպումից հետո հայտարարել է Պատրիարքական փոխանորդը, նա Էրդողանին շնորհակալություն է հայտնել ապրիլի 24-ի առթիվ ցավակցական ուղերձ հղելու կապակցությամբ և խոսել հայ ու թուրք հասարակությունների մերձեցման և համատեղ խաղաղ ապագա կառուցելու շուրջ: 

Հիշեցնենք նաև, որ Արամ Աթեշյանը նույն օրը ուղիղ եթերում ավելի մանրամասն խոսել էր հանդիպման մասին, սակայն հանդիպումից հետո լրագրողներին տված իր տեղեկություններին ոչ մի նոր բան չէր ավելացրել: 

Էրդողանի և Դավութօղլու հետ երկժամյա հանդիպման թեման չէր կարող միայն սահմանափակվել նրանով, ինչի մասին ասել էր Աթեշյանը: Վստահաբար խոսվել էր նաև 2015 թվականի Հայոց ցեղասպանության 100-ամյակի տարելիցին ընդառաջ Թուրքիայի այն պլանների մասին, որոնցում դերակատարում ունի նաև Պոլսո պատրիարքարանը` պատրիարքի փոխանորդ Աթեշյանի գլխավորությամբ: 

Այդ հանդիպման արդյունքում Արամ արք. Աթեշյանն իր հետ կունենա նաև Թուրքիայի վարչապետի բանավոր ուղերձը` ՀՀ նախագահ Սերժ Սարգսյանին: 

http://www.armweeklynews.am/w/wp/p249.php